Наргис Қосимова

Онлайн ОАВ таҳририяти менежменти – мақсад, шакл ва 
ташкилий жиҳатлари. 
Онлайн ОАВ таҳририят менежменти талабларини 
ҳисобга олмай медиабизнес билан шуғулланиш мумкин эмас. Бу ўринда 
менежмент деганда икки нарса тушунилади. Биринчидан, таҳририят 
жамоасини бошқариш, бу жараённинг усул ва шакллари. Иккинчидан, 
маълум бир касб эгалари, яъни жамоани бошқарувчи раҳбарлар командасини 
ташкил этувчи менежерлардир.
Иқтисодий омил таҳририят менежментининг бутун жараёнига кучли 
таъсир кўрсатади. У менежментнинг мақсадини, йўналишини ва характерини 
белгилаб беради. Чунки таҳририятнинг мавжудлиги ва нисбатан эркин 
фаолият юритиши унинг иқтисодий мустақиллигига боғлиқ бўлади. Аксарият 
раҳбарларнинг асосий мақсади молиявий фойда кўриш, нашрнинг иқтисодий 
базасини мустаҳкамлаш бўлиб қолади. Шу туфайли таҳририятни бошқариш 
ва таҳририят менежменти иқтисодий характер касб этади. У жамоани – унинг 
барча ходимларини иқтисодий бошқариш шаклини олади.
Таҳририят менежментининг иккинчи мақсади эса таҳририятнинг барча 
ходимларида иқтисодий фикрлашни, уларнинг фаолияти таҳририят 
иқтисодий базасига таъсир этишини ҳис этишни шакллантиришдан иборат. 
Энди таҳририят раҳбарияти уни бошқаришда бир қанча иқтисодий 
тамойиллардан келиб чиқиб иш юритади. Уларнинг биринчиси, Интернет 
нашрнинг фойда келтириши. Фақат молиявий фойда келтиришгина Интернет 
ОАВнинг яшаб қолишини таъминлайди. Шу сабабли, унинг барча ходимлари 
фаолияти ана шу мақсадга йўналтирилади. Иккинчи тамойил, яъни унинг 
рақобатбардошлигини таъминлаш ҳам аслида фойда кўришга интилиш билан 
узвий боғлиқ. Чунки бошқа Интернет тизимидаги нашрлар билан кучли 
рақобатга бардош берибгина фойда олиш мумкин.
Учинчи тамойил иқтисодий тежамкорликни назарда тутади. Яъни 
таҳририят менежерларининг фаолияти камроқ куч, энергия, восита ва маблағ 
сарфлаб, ўз мақсадларига эришишга қаратилади. Фаолиятнинг барча 
йўналишларида тежамкорлик оз вақтда, қисқа йўл билан керакли 
натижаларга эришишни таъминлайди.
Таҳририят менежментининг мақсадларига эришишга интилиши 
таҳририят жамоаси тавсифида ва унинг фаолиятида ўз аксини топади. Сўнгги 
йилларда Интернет ОАВ таҳририятлари таркиби, тузилиши ва катталигида 
кескин ўзгаришлар рўй бераётганини кўришимиз мумкин. Бу ўзгаришлар 
натижасида таҳририят жамоаси иккига, яъни ижодий ва иқтисодий қисмларга 

---

134 
бўлинмоқда. Биринчи қисмга журналистлар, мухбирлар ҳамда веб сахифа 
янгиланишини таъминлайдиган техник ходимлар киради. Иккинчи қисмни 
эса таҳририятнинг иқтисодий, тижорат ва реклама бўлимлари ташкил этади. 
Мазкур бўлимларнинг ҳар бири ўз вазифасига эга. Ҳар бирининг ўз раҳбари 
бор: ижодий жамоага бош муҳаррир, иқтисодий бўлимга эса бош менежер 
раҳбарлик қилади. Уларнинг ҳар бири ўз вазифаларини бир-биридан маълум 
даражада мустақил равишда ва эркин бажаради, аммо мунтазам бир-
бирларига таъсир этиб ҳам туришади. Уларнинг ҳар бири ходимлар 
фаолиятини узлуксиз менежмент жараёнида бошқариб турадилар. Аммо бу 
менежмент ходимлар олдида турган вазифаларга қараб фарқланади.
Ижодий жамоада журналистлар бош муҳаррир бошчилигида сахифани 
янгиликлар билан бойитишни ташкил этиш билан шуғулланишади. 
Журналистлар материаллар тайёрлаш ва уларни веб-саҳифаларига 
жойлаштириш, бошқарувчилар, яъни бош муҳаррир ва ижодий жараённинг 
бошқа раҳбарлари ишлаб чиқариш менежменти билан банд бўлишади.
Иқтисодий 
бўлимда 
эса 
таҳририятнинг 
раҳбар-менежерлари 
иқтисодий, биринчи галда, молиявий менежмент воситасида ўз вазифаларини 
бажарадилар. Таҳририят менежментининг ҳар икки кўринишининг ҳам асоси 
битта, аммо уларнинг ҳар бири ўзига хосликларга эга.