O’zbekiston respublikasining soliq kodeksi I bo’lim. Umumiy qoidalar

52-modda. Qimmatli qog’ozlar 
Ushbu Kodeks maqsadlarida, mulkiy huquqlarning belgilangan shakllari va 
majburiy rekvizitlariga rioya etgan holda mulkiy huquqlarni tasdiqlovchi hujjat 
qimmatli qog’oz deb e’tirof etiladi, ushbu huquqlar faqat mazkur hujjat ko’rsatilgan 
taqdirda amalga oshirilishi yoki o’tkazilishi mumkin. 
Qimmatli qog’ozlar jumlasiga aktsiyalar, obligatsiyalar, veksellar, depozit 
sertifikatlari, depozitor qaydlar, optsionlar, fyuchers va forvard kontraktlari, 
shuningdek O’zbekiston Respublikasi qonun hujjatlariga yoki chet davlatning 
qo’llaniladigan qonun hujjatlariga muvofiq qimmatli qog’ozlar deb e’tirof etiladigan 
qimmatli qog’ozlar kiradi.
Qimmatli qog’ozlarni emissiyaviy qimmatli qog’ozlar jumlasiga kiritish tartibi 
O’zbekiston Respublikasi qonun hujjatlarida yoki chet davlatning qo’llaniladigan 
qonun hujjatlarida belgilanadi.
Agar qimmatli qog’ozlarga doir operatsiyalar muddatli bitimlarning moliyaviy 
vositalariga oid operatsiyalar mezonlariga muvofiq bo’lsa, soliq to’lovchi mustaqil 
ravishda bunday operatsiyani soliq solish maqsadida qimmatli qog’ozlarga doir 

---

47 
operatsiyalar jumlasiga yoki muddatli bitimlarning moliyaviy vositalariga oid 
operatsiyalar jumlasiga kiritishga haqli. 
Ushbu Kodeks maqsadlarida quyidagi shartlarga bir vaqtning o’zida rioya 
etilgan taqdirda qimmatli qog’ozlar qimmatli qog’ozlarning uyushgan bozorida 
muomalada bo’layotgan (muomaladagi qimmatli qog’ozlar) deb e’tirof etiladi: 
1) ular amaldagi qonun hujjatlariga muvofiq qimmatli qog’ozlarni muomalaga 
kiritish huquqiga ega bo’lgan savdolar tashkilotchisining loaqal bittasi tomonidan 
muomalaga kiritilgan bo’lsa; 
2) ularning narxlari (kotirovkalari) haqidagi axborot ommaviy axborot 
vositalarida (shu jumladan elektron) e’lon qilinsa yoxud savdolarning tashkilotchisi 
yoki boshqa vakolatli shaxs tomonidan har qanday manfaatdor shaxsga qimmatli 
qog’ozlarga doir operatsiyalar amalga oshirilgan sanadan e’tiboran uch yil ichida 
berilsa; 
3) soliq to’lovchi bu qimmatli qog’ozlarga doir bitimni tuzgan sanadan 
e’tiboran o’tgan ketma-ket uch oy ichida ular bo’yicha loaqal bir marta bozor 
kotirovkasi hisoblab chiqarilgan bo’lsa (bundan qimmatli qog’ozlarni dastlabki 
joylashtirish chog’idagi bozor kotirovkasining hisob-kitobi mustasno).