Молия бозори ва биржа иши ўқув қўлланма

 
Инвестиция фондлари 
Инвестиция фондига турли хилдаги хатарларни камайтириш мақсадида 
айрим фаолият турлари билан шуғулланиш ва молиявий йўқотишларга олиб 
келувчи қатор операцияларни амалга ошириш қонун йўли билан ман этилади.
Масалан, инвестиция фонди: 
қимматли қоғозларга маблағлар сарфлаш, опционлар, фьючерсларни ҳарид 
қилиш, ҳар хил турдаги кафолатларни бериш ва мол – мулкни гаровга 
қўйишдан ташқари инвестициянинг бошқа турларини амалга ошириш;
эгалари фонд тугатилганидан сўнг активларни сотиб олиш учун оддий 
акцияларнинг эгаларига қараганда устунлик хуқуқларига эга бўлган 

---

90 
облигациялар, имтиёзли акциялар ва бошқа турдаги мажбуриятлар (қарз 
мажбуриятлари)ни чиқариш; 
агар акциядорлик жамиятининг оддий акцияларини ҳарид қилгандан кейин 
инвестиция фондининг аффиляцияланган шахсларига ушбу жамият 
акцияларининг 10 фоиздан ортиғи тегишли бўлса, уларни сотиб олиш; 
ўзининг соф активларининг 10 фоиздан ортиғини бир эмитентнинг 
қимматли қоғозларига инвестиция қилиш, давлат қимматли қоғозлари 
бундан мустасно; 
фондни ўзининг аффиляцияланган шахслари қимматли қоғозларига 
маблағларни инвестиция қилиш, қарз мажбуриятларига маблағларни 
сарфлаш (давлат қимматли қоғозлари бундан мустасно); 
ўзининг аффиляцияланган шахсларидан қимматли қоғозлар ва бошқа 
активларни сотиб олиш ёки уларга сотиш, бошқа инвестиция 
фондларининг акцияларини ҳарид қилиш хуқуқига эга эмас. 
Шунингдек, инвестиция фондлари фаолияти учун айрим бошқа 
чекловлар ҳам мавжуд ва улар бунга оғишмай амал қилишлари лозим. 
Инвестиция фонди фойдасининг солиқлар, мажбурий тўловлар ва 
инвестиция 
активларининг 
ишончли 
бошқарувчиси 
мукофотлари 
тўланганидан кейин қолган ва сармояни кўпайтиришга йўналтирилмаган 
қисми акциядорлар ўртасида дивиденд сифатида тақсимланади.