Молия бозори ва биржа иши ўқув қўлланма

Қимматли қоғозлар эгалари реестри
- рўйхатдан ўтказилган 
қимматли қоғозлар эгаларининг белгиланган санадаги ҳолатга кўра 
шакллантирилган, уларга қарашли эгасининг номи ёзилган қимматли 
қоғозларнинг номи, миқдори, номинал қиймати ва тоифаси, шунингдек 
реестрда рўйхатдан ўтказилган шахсларга ахборотни юбориш имкониятини 
берадиган маълумотлар кўрсатилган рўйхати. 
Қимматли қоғозларни номинал сақловчи
- қимматли қоғозлар 
эгаларининг реестрида рўйхатдан ўтказилган, қимматли қоғозларнинг эгаси 
бўлмаган ҳолда бошқа шахснинг (қимматли қоғозлар эгасининг ёки у вакил 
қилган шахснинг) топшириғига биноан қимматли қоғозларни сақлаш, 
ҳисобга олиш ва уларга бўлган ҳуқуқларни тасдиқлашни амалга оширувчи 
депозитарий; 
Ҳисоб – китоб клиринг палатаси
Ўзаро мажбуриятларни (қимматли қоғозларга доир битимлар бўйича 
ахборотни тўплаш, солиштириш, тузатиш ва уларга доир бухгалтерия 
ҳужжатларини тайёрлаш) аниқлаш ҳамда қимматли қоғозларни етказиб 
бериш ва улар юзасидан ҳисоб-китоблар бўйича ўзаро мажбуриятларни 
ҳисобга олиш бўйича фаолиятни амалга оширувчи юридик шахс ҳисоб-
китоб-клиринг палатасидир. 
Ҳисоб-китоб-клиринг палаталари ўзаро мажбуриятларни аниқлаш 
чоғида тайёрланган қимматли қоғозлар, пул маблағлари ва бухгалтерия 
ҳужжатларини қимматли қоғозлар бозорининг қайси иштирокчилари учун 
ҳисоб-китоблар амалга оширилаётган бўлса, шу иштирокчилар билан 
тузилган шартномалар асосида ижро этиш учун қабул қилади. 
Ҳисоб–китоб–клиринг ташкилотлари қимматли қоғозлар билан 
битимлар бўйича ўзаро ҳисоб–китобларнинг ўз йилида ва тўлиқ 
ўтказилишини таъминлаш, уларнинг оборотини тезлаштириш, битимлар 
тузишда тўловларнинг кечиқтирилиши ҳамда тўланмасликнинг олдини 
олиш, 
тузилган 
битимларнинг 
натижаларини 
тезкорлик 
билан 
умумлаштириш ва қимматли қоғозлар бозори иштирокчиларини фонд бозори 
қонъюнктурасининг жорий аҳволи ҳақида хабордор қилиб туриш мақсадида 
ташкил этилади.