Maxsus qism iqtisodiyot sohasidagi jinoyatlar. Ekologiya sohasidagi jinoyatlar

JK 182-moddasi 2-qismida 
nazarda tutilgan tarkibni to‘liq 
qamrab oladi. Agar tovar va boshqa qimmatliklarni olib o‘tish mansab 
vakolatiga ega bo‘lmagan shaxs tomonidan, mansabdor shaxs yordamida 
sodir etilsa, unda uning harakatlari jinoyatlar majmui bo‘yicha JK 
28-moddasi va 182-moddasi 1-qismida nazarda tutilgan jinoyatlar bilan, 
shuningdek, sodir etilgan jinoyatning aniq holatlariga bog‘liq ravishda JK 
205- yoki 206-moddalari bilan kvalifikatsiya qilinadi. 
10-§. Raqobat to‘g‘risidagi qonun hujjatlarini va tabiiy monopoliyalar 
to‘g‘risidagi qonun hujjatlarini buzish 
(JK 183-moddasi) 
O‘zbekiston Respublikasining 1996 yil 27 dekabrdagi «Tovar 
bozorlarida monopolistik faoliyatni cheklash va raqobat to‘g‘risida»gi 
355-1-son Qonuni tovar bozorlarida monopolistik faoliyat va insofsiz 
raqobatning oldini olish, uni cheklash, to‘xtatishning tashkiliy va huquqiy 
asoslarini belgilab beradi, raqobat munosabatlarining shakllanishi va 
samarali amal qilishi uchun sharoitlar ta’minlashga qaratilgan. 
Monopoliyaga qarshi qonun hujjatlarini buzishning ijtimoiy xavfliligi 
1
Ўзбекистон Республикаси Олий Мажлисининг Ахборотномаси, 1997 й., 2-сон, 54-модда; 1999 й., 9-сон, 229-
модда; 2001 й., 1-2-сон, 23-модда; Ўзбекистон Республикаси қонун ҳужжатлари тўплами, 2006 й., 41-сон, 405-
модда.
151 

---

shundaki, ushbu jinoyat sodir etilishi natijasida bozorning eng muhim 
elementi, ya’ni alohida shaxslar, jamiyat va davlat manfaatlariga putur 
etadi. 
Monopoliyaga qarshi qonun hujjatlarini buzish jinoyatining 
bevosita 
obyekti 
o‘rnatilgan tartib va bozorni samarali boshqarish qoidalari 
shaklidagi O‘zbekiston iqtisodiyotining asoslari, xo‘jalik yurituvchi 
subyektlarning o‘z huquq va imkoniyatlarini amalga oshirishlariga 
to‘sqinlik qiluvchi monopolistik faoliyatni amalga oshirishning oldini 
oluvchi munosabatlar hisoblanadi.