Ш. А. Агзамова, Э. А. Шамансурова, Д. К. Ганиева, С. А. Убайдуллаева

КАСАЛЛИКЛАРНИ ДАВОЛАШДА ШИФОБАХШ ЖИСМОНИЙ 
ТАРБИЯ
VIII – БЎЛИМ 
ЮРАК, ҚОН-ТОМИР КАСАЛЛИКЛАРИДА ШИФОБАХШ 
ЖИСМОНИЙ ТАРБИЯ (ШЖТ)
 ШЖТ усуллари қўлланилишининг клиник - физиологик асослари. 
ШЖТ воситалари терапевтик таъсири асосида тақсимланган машғулот 
ѐтиб, у МНТ билан шартли ва шартсиз рефлектор алоқаларни мустаҳкамлаб 
юксалтиради хамда аъзо ва тизимлар функцияларини мувофиклаштиради. 
Жисмоний машқлар таъсирида организмдаги ўзгаришлар адаптация-
мослашув боскичларидан ўтади. Қон айланиш тизими сохасидаги мослашув 
реакциялари қуйидагиларда ифодаланади: 
Юракдаги ўзгаришлар: 
- кордиомиоцитларда митахондриялар сони ортади; 
- саркоплазматик ретикулумда мембраналар массаси ортади; 
- гликолиз ва гликогенолиз системалар активлиги ортади; 
- транспорт АТФазалар активлиги ортади. 
 Миокарддаги ўзгаришлар: 
- капиллярлар сони ортади; 
- коронар оқим ҳажми ортади; 
- миоглобин миқдори ортади; 
- адренергик нерв терминаллари ортади 
Миокардаги структурали ўзгаришлар ҳисобига қуйидагилар содир бўлади: 
юрак мушаклари қисқариш ва бўшашиш тезлиги ортади; зарб ва минутлик 
ҳажмлар ортади; юрак қисқариш сони ортади. Нафас тизими даражасида: 
ўпканинг тириклик сиғими; кислород утилизацияси коэффиценти; ўпкалар 
максимал вентиляцияси; нафас марказининг давомий қўзғалувчанлигини 
таъминлаш қобилияти ортади. 

---

346 
Шундай қилиб, ШЖТ воситалари гемодинамиканинг асосий омилларини 
активлаштиради, ҳамда беморнинг руҳий эмоционал статусига ижобий 
таъсир кўрсатади: 
Кардиал омиллар: 
- физиологик дилатация (мушак толаси узаяди); 
- физиологик гипертрофия (мушак толалари қалинлашади); 
- қоннинг резерв хажми ортади; 
- миокарднинг қисқарувчанлик қобилияти ортади; 
- қон томирлар девори тонуси ва эластиклиги, коллатераллар ривожланиши 
ортади. 
Экстракардиал омиллар:
- томирда: капиллярлар кенгайиши, қон айланишнинг тезлашуви, веноз 
димланишнинг камайиши, пульсли турткилар, томирларга скелет 
мушакларининг қисқаришининг механик таъсири; 
- томирдан ташқари: мушакли насос, қоринички босими ўзгариши, кўкрак 
қафасининг сўрувчи таъсири, бўғимларда ҳаракатлар.