Ш. А. Агзамова, Э. А. Шамансурова, Д. К. Ганиева, С. А. Убайдуллаева

ЮРАК ИШЕМИК КАСАЛЛИГИДА (ЮИК) ДАВОЛОВЧИ 
ЖИСМОНИЙ ТАРБИЯ 
Барча ЮИК да (шаклидан қатъий назар) даволаш тадбирлари хавф 
омилларига (ҳаѐт тарзи, парҳез, зарарли одатлар) таъсир этадиган тадбирлар
билан бирга олиб борилади. 
ЮИКли беморлар реабилитациясида асосий усул тақсимланган 
жисмоний машқлардир. 
ЮИКда ШЖТ вазифалари: 
- бемор организмининг юрак қон томир, нафас ва бошка тизимларининг 
ҳажми ортиб борувчи тақсимотли жисмоний машқларга аста секин 
адаптацияси; 
- оксидланиш-қайтарилиш жараѐнларининг бутун организмда ва хусусан 
юрак мушакларида яхшиланиши; 

---

347 
- экстракардиал омиллар стимуляцияси; 
- жисмоний ва меҳнат қобилиятининг тикланиши ва ортиши; 
- ЮИКнинг иккиламчи профилактикаси (гиперлипидемия даражаси, 
ТВИ-тана вазни индекси, АБ пасаяди, жисмоний чидамлилик ошади);
- бемор ҳаѐти сифатини яхшилаш. 
ШЖТга қарши кўрсатмалар: 
- чап қоринча аневризмаси; 
- стенокардиянинг тез - тез хуружлари (4 функционал синф, ностабил 
стенокордия); 
-юрак ритми бузилиши (доимий ѐки пароксизмал милтилловчи ва 
ҳилпилловчи бўлмачалар аритмияси, парасистолия, ритм етакчисининг 
миграцияси, кўп сонли политоп ѐки гурухли экстрасистолия, айниқса 
қоринчали); 
- атриовентрикуляр ўтказувчанликнинг юқори даражада бузилиши; 
- ҚАЕ (қон айланиш етишмовчилиги) нинг 2 ва ундан юқори босқичи; 
- артериал гипертензия диастолик босимнинг стабил ортиши билан АБ> 
110 мм сим.уст.дан юқори; 
- ҳамроҳ касалликлар (турли этиологияли полиартритлар бўғимлар 
функцияси бузилиши, дискоген радикулитлар, дефектлар ва оѐқлар 
ампутацияси). 
ЮИКли беморлар учун тўртта функционал синф (ФС) бўйича 
дифференциал ШЖТ дастури ишлаб чиқилган: 
I ФС: 
- даволовчи гимнастика (ДГ) машғулот тартибида 30-40 минутгача, 
Юрак қисқариш сони (ЮҚС) 140 кискариш/минутигача; 
- тақсимланган пиѐда юриш- 110-120 қадам /мин; 
- аэробли зўриқмалар: даволовчи сузиш, чанғида юриш ва б.(20-30 мин), 
қисқа югуришлар (1-2 мин); 
- ташкил қилинган саломатлик гуруҳларида иштирок; 

---

348 
- қисқа (20 мингача) спорт ўйинларида (волейбол, қўл тўпи, бадминтон 
ва.б.) иштирок 
- ўз-ўзига тўлиқ хизмат қилиш 
II ФС: 
- ДГ 30 мин, ЮҚС зўриқма чўққисида 130 к/мин.гача; 
- меъѐрий тезлашган (темпи 110 қадам/мин) ва қисқа (2-3 мин) тезлашган 
(темп 120-130 қадам/мин) пиѐда юриш; 
- қисқа меъѐрий темпда югуриш (1-2 мин); 
- махсус давомий жисмоний машғулот гуруҳларида «кучли» гуруҳ 
дастури асосида иштироки (спорт ўйинлари, веломашғулот); 
- бассейнда сузиш назорат остида, чанғида тақсимланган юриш;
- қисқа(10 мин.гача) спорт ўйинлари (волейбол, стол тенниси)да 
иштирок; 
- ўз -ўзига тўлиқ хизмат қилиш 
III ФС: 
- ДГ аѐвчи машғулотли тартибда 20 мин.гача зўриқма чўққисида ЮҚС 
110 мин.гача ; 
- тақсимланган ўрта темпдаги пиѐда юриш (80-90 қадам/мин); 
- махсус давомий жисмоний машғулот гуруҳларида «кучсиз» дастурда 
иштирок; 
- спорт ўйинлари мумкин эмас; 
- аэробли зўриқмалар (югуриш ,чанғи, сузиш) маън этилган 
-ўз-ўзига тўлиқ хизмат қилиш 
IV ФС: 
- индивидуал характердаги ДГ аѐвчи тартибда давомийлиги 15-20 мин 
ЮҚС зўриқма чўққисида 90-100 мин; 
- пиѐда юриш 60-70 қадам/мин тезликда; 
- югуриш ва спорт ўйинлари маън этилган; 
- баъзан қисман ўз -ўзига хизмат қилиш.