Тошкент ахборот технологиялари университети карши филиали ижтимоий-гуманитар фанлар кафедраси Х. Ж. Рузиев «Иқтисодиёт назарияси»

Такрорлаш учун саволлар:
1. Ишлаб чиқариш омиллари нималардан иборат?
2. Капитал тушунчасига таъриф беринг ва унинг таркибига нималар киришини
тушунтириб беринг.
3. Ишлаб чиқариш жараёнининг мазмунини ва унинг икки томонини тушунтиринг.
4. Ишлаб чиқаришнинг умумий ва пировард натижаларини тушунтириб беринг.

---

22
5. Яратилган маҳсулотнинг натурал ва қиймат таркиби нималардан иборат?
6. Ишлаб чиқариш самарадорлиги деганда нимани тушунасиз?
Адабиётлар:
1. Каримов И.А. Асарлар тўплами. 1-15 жилдлар. – Тошкент: Ўзбекистон, 1996-2007 йй.
2. Абдурахмонов К. и др. Экономическая теория. Учебник для студентов высших учебных
заведений. - Т.: «Шарк», 1999.
3. Абулқосимов Х.Р. Иқтисодиёт назарияси. – Т., 2006.
4. Кодиров А. и др. Экономическая теория. Учебное пособие. – Т.: ТГТУ, 1999.
5. Расулов М. Бозор иқтисодиёти асослари. – Т.: Ўзбекистон, 1999.
6. Собирхонова Ю. Иқтисодиёт назарияси. – Т., 2006.
7. Шодмонов Ш.Ш., Алимов Р.Х., Жураев Т.Т. Иктисодиёт назарияси. – Т.: «Молия», 2002.

---

23
3-МАВЗУ: ИЖТИМОИЙ-ИҚТИСОДИЙ ТИЗИМЛАР ВА МУЛКЧИЛИК
МУНОСАБАТЛАРИ (2-соат).
Маъруза режаси:
1. Мулкчилик муносабатларининг иқтисодий мазмуни.
2. Бозор иқтисодиёти шароитида мулкчиликнинг турли-туман шакллари.
3. Иқтисодий тизим моделлари.
4. Ўзбекистонда давлат мулкини хусусийлаштиришнинг моҳияти, вазифалари, босқичлари.
Таянч иборалар: Ишлаб чиқариш усули - ишлаб чиқарувчи кучлар ва ишлаб чиқариш
муносабатлари бирлиги ҳамда ўзаро таъсири. Ишлаб чиқарувчи кучлар - ишлаб
чиқаришнинг шахсий ва моддий омиллари, яъни ишчи кучи билан ишлаб чиқариш воситалари
бирлиги. Ижтимоий-иқтисодий муносабатлар - бу кишилар учун зарур бўлган ҳаётий
неъматларни ишлаб чиқариш, тақсимлаш, айирбошлаш ва исътемол қилиш жараёнида
вужудга келадиган муносабатлар. Ишлаб чиқаришнинг технологик усули - меҳнат
воситалари, материаллар, технология, энергия, ахборотлар ва ишлаб чиқаришни ташкил
этиш мажмуи. Мулкчилик муносабатлари - мулкка эгалик қилиш, ундан фойдаланиш, уни
ўзлаштириш ва тасарруф этиш жараёнида вужудга келадиган муносабатлар. Мулкдан
фойдаланиш - мол-мулкнинг иқтисодий фаолиятда ишлатилиши ёки ижтимоий ҳаётда
қўлланилиши, яъни унинг нафли жиҳатларининг бевосита истеъмол қилиниши. Мулқни
тасарруф этиш - мол-мулк такдирини мустақил ҳал қилиш. Мулкка эгалик қилиш -
мулкдорлик ҳуқуқининг унинг эгаси қўлида сақланиб туриши ва яратилган моддий
бойликларни ўзлаштиришнинг ижтимоий шакли. Мулк объектлари - мулкка айланган барча
бойлик турлари. Мулк субъектлари - мулк объектини ўзлаштиришда қатнашувчилар,
мулкий муносабатлар иштирокчилари. Хусусийлаштириш - мулкка эгалик ҳуқуқининг
давлатдан хусусий шахсларга ўтиши. Давлат тассарруфидан чиқариш - давлат мулки
ҳисобидан бошқа нодавлат мулк шаклларининг вужудга келтирилиши.