Тошкент ахборот технологиялари университети карши филиали ижтимоий-гуманитар фанлар кафедраси Х. Ж. Рузиев «Иқтисодиёт назарияси»

---

1
ЎЗБЕКИСТОН АЛОҚА ВА АХБОРОТЛАШТИРИШ АГЕНТЛИГИ
ТОШКЕНТ АХБОРОТ ТЕХНОЛОГИЯЛАРИ УНИВЕРСИТЕТИ
КАРШИ ФИЛИАЛИ
Ижтимоий-гуманитар фанлар кафедраси
Х.Ж.Рузиев
«Иқтисодиёт назарияси»
(Маърузалар матни)
Карши– 2014

---

2
1-МАВЗУ: ИҚТИСОДИЁТ НАЗАРИЯСИ ФАНИНИНГ ПРЕДМЕТИ ВА
БИЛИШ УСЛУБЛАРИ (2-соат)
Маъруза режаси:
1. Иқтисодий билимларнинг шаклланиши ва ривожланиши.
2. Иқтисодиёт назарияси фанининг предмети. Иқтисодий қонунлар.
3. Иқтисодий ҳодиса ва жараёнларни ўрганиш усуллари. Микро ва макроиқтисодий
таҳлил.
4. Ҳозирги замон иқтисодий тафаккурининг шаклланиши.
Таянч иборалар: Иқтисодиёт - чекланган иқтисодий ресурслардан унумли
фойдаланиб, инсонлар учун зарур бўлган ҳаётий воситаларни ишлаб чиқариш ва етказиб
беришга қаратилган ва чамбарчас боғлиқликда амал қиладиган фаолиятлар бирлигини
таъминловчи иқтисодий тизим. Эҳтиёж - инсоннинг яшаши ва камол топиши учун керакли
ҳаётий воситаларга бўлган зарурият. Иқтисодий ресурслар - маълум даврда маълум бир
мамлакат ихтиёрида тўпланган ва мавжуд бўлган ишлаб чиқариш, хизмат кўрсатиш,
уларни истеъмолчиларга етказиб бериш ва истеъмол жараёнларида қўлланилиши мумкин
бўлган воситалар, қўр-қутлар, имкониятлар ва манбалардир. Иқтисодиёт назарияси
фанининг предмети - Иқтисодий ресурслар чекланган шароитда Жамиятнинг чексиз
эҳтиёжларини қондириш максадида ҳаётий неъматларни (ва хизматларни) ишлаб чиқариш,
тақсимлаш, айирбошлаш ва уларни истеъмол қилиш жараёнида вужудга келадиган
иқтисодий муносабатлар тизимини, ижтимоий хўжаликни самарали юритиш қонун -
қоидаларини ўрганишдан иборатдир. Иқтисодий қонунлар - иқтисодий ҳаётнинг турли
томонларини, иқтисодий ҳодиса ва жараёнлар ўртасидаги такрорланиб турадиган,
барқарор сабаб-оқибат алоқаларини, уларнинг ўзаро боғлиқлигини ифодалайди. Иқтисодий