Jumasheva G. X. ÁLipbeni oqíTÍw metodikasí

30. Oqıwshılardıń jazba jumıslarındaǵı kátelerdi dúzetiw jolları. 
a. *Qáte jazılǵan sóz sızılıp ústingi jaǵına sózdiń durısı tutas jazıladı. Qáte 
jazılǵan hárip sızılıp ústingi kerekli hárip ǵana jazıladı. Qáte jazılǵan hárip 
yamasa sózdiń astı sızıladı tusına eskertiw jazıladı. Qáte háriptiń astın sızadı 
hesh qanday eskertiw berilmeydi. 
b. Qáte jazılǵan sóz óshiriledi qayta jazıladı qáte jazılǵan sózi bar gáptiń bári 
óshirilip qaytadan jazıladı astın túrtip ketedi. 
v. Qáte sózi sızılıp óshiriledi durısı jazıladı. Qáte ketken hárip sızılıp ústine 
durısı jazıladı. Qáte hárip óshiriledi durısın qayta kóshirip jazıw usınıladı. 
d. Qátelerdi oqıwshılardıń ózlerine dúzettiredi. Qáte jazılǵan sózlerge uqsas 
sózler terip jazdırıladı. 
31. Sawat ashıwǵa tayarlıq dáwirinde oqıwshılarǵa beriletuǵın kónlikpe. 

---

163
a. *Óz betinshe kórgenlerin sóylep beredi, gápti sózlerge, sózlerdi buwınǵa 
ayıradı, jazıw kónlikpesin ózlerinde boldıradı. 
b. Teksti gápke, gápti sózlerge, sózlerdi buwınǵa ayıra alatuǵın boladı, óz 
betinshe oqıǵanların aytıp beredi. Muǵallimniń sorawına ken túrde juwap 
beredi. 
v. Muǵallimniń sorawına keń túrde juwap beredi, durıs jazıw kónlikpesin 
qáliplestirip óz betinshe sóylep bere aladı. 
d. Oqıwshılar úlken bolmaǵan teksti gápke, gápti sózlerge, sózdi buwınlarǵa, 
buwındı seslerge ayıra alatuǵın boladı, óz betinshe kórgenlerin esitkenlerin 
sóylep beredi, bir-eki jumbaq qosıqtı yadqa aytadı. Muǵallimniń sorawına 
durıs juwap bere alatuǵın boladı. 
32. Omonim degenimiz ne? 
a. *Jazılıwı birdey mánisi basqa sózler. 
b. Aytılıwı birdey mánisi basqa sózler. 
v. Oqılıwı birdey mánisi basqa sózler. 
d. Bir birine qarama qarsı sózler. 
GLOSSARİY 
Antonimler
- Semantikalıq qubılıslardıń keń tarqalǵan túrleriniń biri antonimiya. 
Bul sózlerdiń eń baslı hám ulıwma semantikalıq belgileriniń bir-birine qarama-
qarsı qoyılıwı bolıp tabıladı. Antonimler seslik qurılısı jaǵınan ózgeshe bolıp 
qoymastan, mánilik jaqtan pútkilley qarama-qarsı sózlerden ibarat.

---

164