Sh. H. Usanov, M. X. Tinibekov harbiy toksikologiya

Teriga ta’sir qiluvchi  ZMlarning  tipik  vakili  iprit  hisoblanadi. 

Rangsiz  yoki  biroz  sarg‘imtir  rangga  ega  bo‘lgan  bu  modda 

g‘ovak  materiallardan  tashqari  lok-bo‘yoq  qoplamali  hamda  rezina 

materiallardan ham singib keta oladi. U tomchi yoki aerozol holda 

qo‘llanilib,  atrof  muhitda  barqaror  bo‘lgan,  yuqori  konsentratsiyali 

zaharli  o‘choqni  paydo  qiladi.  Suvda  yomon  eriydi,  biroq  suv 

havzalarining zaharlanishiga sabab bo‘ladi. 

Iprit  xilma-xil  ta’sirga  ega  bo‘lgan  ZM  bo‘lib,  tomchi,  aerozol 

va bug‘ holatida teridan tashqari qon orqali so‘rilib, asab va yurak-

tomir  tizimlariga  ham  ta’sir  ko‘rsatadi.  Uning  yana  bir  o‘ziga  xos 

tomoni  yashirin  davrga  egaligi  hisoblanadi.  Zararlangan  teri  2–6 

soatdan  so‘ng  qizaradi.  Bir  sutkadan  so‘ng  sariq  rangli  suyuqlik 

bilan  to‘la  pufakcha  paydo  bo‘ladi.  2–3  kundan  so‘ng  pufakcha 

yorilib,  yara  paydo  bo‘ladi.  Bu  yara  20–30  kundan  so‘nggina 

tuzaladi. 

Iprit  bug‘lari  nafas  yo‘llariga  tushganida  zaharlanish  belgilari 

bir  necha  soatdan  so‘ng  tomoqda  qurishish  va  achishish 

ko‘rinishida  paydo  bo‘ladi.  Og‘ir  hollarda  o‘pkada  yallg‘lanish-

zotiljam  boshlanadi  va  bu  3–4  kundan  keyin  o‘limga  sabab 

bo‘ladi.  Organizmga  bug‘  shaklida  ta’sir  qilganida  ko‘zga  qum 

kirgandek  sezgi,  yosh  oqishi,  yorug‘likdan  qo‘rqish,  keyinchalik 

qovoqlarning  shishib  ketishi  kuzatiladi.  Iprit  ko‘zga  tushsa 

ko‘rlikka sabab bo‘ladi. 

---

14