Radio jurnaliSTİKA

38
IV BÖLÜM
XƏBƏRLƏR VƏ GÜNLÜK OLAY PROQRAMLARI ÜÇÜN MƏZMUN YARATMA 
CANLI MÜSAHİBƏ/MÜZAKİRƏLƏRDƏ ZAMANIN İDARƏ OLUNMASI
CANLI MÜSAHİBƏ/MÜZAKİRƏLƏRDƏ ZAMANIN İDARƏ 
OLUNMASI
Canlı efir, formatından (müsahibə, verliş, müzakirə 
və s.) asılı olmayaraq, ilk növbədə, bacarıqdır və 
radiojurnalist onu zaman-zaman təcrübə ilə qazanır. 
Ən təcrübəli jurnalistdən belə soruşsan, hər veriliş 
öncəsi həyəcanlandığını deyəcək. Ona görə hər bir 
canlı efir aparıcısı bu suallarla üz-üzə qalır:
▪ bütün önəmli nüansları işıqlandıra bilmişəmmi?
▪ müsahibləri efir zamanı idarə etmək çətin olmayacaq 
ki?
▪ vaxtı necə idarə edəcəyəm?
▪ suallar yetəcəkmi?
▪ boşluqlar yaranmayacaq ki?
▪ müsahib necə danışacaq? 
▪ telefon bağlantıları, şərhlər olacaqmı?
▪ müsahib və ya müzakirə iştirakçılarından hansısa 
qoşulmazsa, nə olacaq?
Canlı efir aparıcısı bütün bunlardan özünü 
sığortalamalıdır. Hər zaman ehtiyatını görməlidir. 
Həmişə B planı düşün:
▪ Ehtiyat iştirakçı seç. Ona qısa məlumat ver ki,
problem yarandıqda anında onunla telefon əlaqəsi 
yaratmaq mümkün olsun. Bu yanaşma təkbətək 
müsahibədə də keçərlidir. 
▪ Telefon nömrələrini hamıya ötür. Əmin ol ki, verilişə 
cəlb olunanlar hamısı bir-birinin telefon nömrəsini 
bilir. Müsahibə tapşır ki, bir problem çıxarsa, həmişə 
sənə bir neçə saat əvvəl zəng edib bildirsin. Bu sənə 
əvəzləməyə və ya problemin texniki həllini tapmağa 
imkan yaradacaq. 
▪ Həmişə bir gün və ya bir neçə saat əvvəl 
müsahiblərinə zəng vur və əmin ol ki, onlar 
gələcəklər və nə zaman, hara gəlməli olduqlarını 
dəqiq bilirlər.
Zamanı idarə etməyin ən yaxşı yolu təbii olmaqdır. 
Nə qədər özünü sıxsan, qorxutsan, bir o qədər çətin 
olacaq, odur ki, rahat ol. Amma canlı efirdə vaxtı 
düzgün bölüşdürmək də vacibdir.
Zamanı, efir vaxtını necə idarə etməli:
▪