Radio jurnaliSTİKA

Kimdən və harada soruşmalı?
Elə sorğular var ki, mütləq doğru məkan seçilməlidir. 
Məsələn, tələbə təqaüdünün azlığı ilə bağlı sualla 
küçəyə çıxmısansa, gedəcəyin birinci yer hara 
olmalıdır?...Bəli, əlbəttə ki, universitetlərin ətrafı. Çünki 
tələbə tapıb danışdırmaq imkanı orada birə-mindir. 
Bundan başqa, məktəblərə də gedə bilərsən. Burada 
pulları yoxdur deyə, universitetə getmə fikrini dəyişən 
məktəblilərə də rast gələ bilərsən. Məhz onlardan çox 
təsirli fikirlər almaq olar. Sorğunu kimlərlə aparılması 
da vacib məqamdır.
Nə zaman soruşmalı?
Sorğuya müsahib tapa bilmək təkcə harada 
soruşacağından da asılı deyil, nə zaman soruşacağın 
da əhəmiyyətlidir. Məsələn, günorta çağı küçədə 
ofis adamlarına və iş adamlarına rast gələ bilməzsən. 
Əgər müxtəlifliyi qorumaq istəyirsənsə, bu faktoru da 
nəzərə almalısan. 
İPUCU: 
Vox-pop-lardan 
ifrat dərəcədə 
istifadə etmə. 
Doğrudur, sorğular 
vacibdir və hansısa 
hadisəyə insanların 
reaksiyalarını 
eşitmək olur, amma 
bu fikirlər heç bir 
zaman qəti deyil və 
olaya “nöqtə” qoya 
bilməz.
Sualı belə qoymayın! 
Azərbaycan qanunlarına 
münasibətiniz? Sual çox ümumidir və 
fokussuzdur: lazımlı və təsirli cavablar ala 
bilməyəcəksən.
Sualı belə qoyun!
Milli Məclis bu gün məişət 
tullantılarıyla bağlı qanun qəbul etdi. İndi yerə 
zibil atsaz, 20 manat cərimələcəksiniz. Bu sizin 
üçün nə deməkdir?
YADDAŞ!
Sorğu zamanı müxtəlifliyi qoru!
Müxtəliflik yaş, cins, məkan, din, dil və ən 
əsası, fikir müxtəlifliyi deməkdir

---

35
IV BÖLÜM
XƏBƏRLƏR VƏ GÜNLÜK OLAY PROQRAMLARI ÜÇÜN MƏZMUN YARATMA /
MÜXBİR SƏSİNDƏN PARÇALAR