Radio jurnaliSTİKA

• Hadisə yerindən xəbərləmə
• Canlı müsahibə və müzakirələrdə zamanın idarə 
olunması
• Radio üçün yazmaq
• Uzunmüddətli radio proqramlarının hazırlanması
YADDAŞ
Olay yerinə gedən 
jurnalist ən əvvəl 
nələri yoxlamalıdır?
• Avadanlıq 
qaydasındadır?
• Qeydlər aparmaq 
üçün bloknot, 
qələm götürüb?
• Redaksiyadakı 
xəbər növbətçisi 
kimdir? Onun 
nömrəsini 
götürüb?

---

33
XƏBƏRLƏR VƏ GÜNLÜK OLAY PROQRAMLARI ÜÇÜN MƏZMUN YARATMA
HADİSƏ YERİNDƏN XƏBƏRLƏMƏ 
IV BÖLÜM
▪ 3-cü variant.
Reportyor səsləri Dropbox və ya virtual 
olaraq başqa bir qovluğa yükləyir. Bu səslər müxbir 
gələnə kimi (hadisələr davam edirsə) redaksiyada 
istifadə edilə bilər, ya da o özü qayıtdıqdan sonra 
materiallarını işləyə bilər.
▪ 4-cü variant.
Topladıqlarını – informasiya və səsləri – 
redaksiyaya gətirib montaj edərək ya canlı efirə verir, 
ya da onlayn radiodursa, internet səhifəyə yükləyir.
Hadisə yerindəsən. Nədən başlamalı?
Öncə, sən öz emosiyalarını nəzarətdə saxlamalısan. 
Baş verənlər nə qədər gərgin və həyəcanlı, 
ətrafdakıların reaksiyası təsirli olsa da, jurnalist 
soyuqqanlılığını qorumalıdır. Əks halda, informasiya 
toplamasında və çatdırmasında maneələrlə üzləşə 
bilər. Jurnalist anlamalıdır ki, o nə xilasedici, nə 
psixoloq, nə də ki yanğınsöndürəndir. Hər bir peşə 
sahibi öz vəzifəsini yerinə yetirir. Yəni jurnalist yanan 
evi söndürmək, insanları oradan çıxarmaqla məşğul 
olacaqsa, onun işini nə xilasedicilər görəcək, nə də 
yanğınsöndürənlər. Həm də unutma ki, axı sən məhz 
öz işinin peşəkarısan. 
QEYD: aydındır ki, sən hadisə yerinə çatan ilk adamsansa 
və kiminsə həyatı təhlükədədirsə, ona dərhal kömək 
etməlisən, amma bu, öz həyatını təhlükəyə atmaq demək 
deyil.