Radio jurnaliSTİKA

Müzakirə, müsahibə mövzusundan kənara çıxmaq 
olmaz. 
Aparıcı burada moderator rolu oynayır və 
söhbətin məcradan çıxmasına imkan vermir.
▪ 
Müsahibə verilişi öz əlinə almağa imkan vermək 
olmaz.
Aparıcı lazım gələrsə, onun sözünü nəzakətlə 
yarıda kəsməli və öz suallarını verməli, başqa 
qonaqlara sözü ötürməlidir. Əmin ol ki, hamıya 
müzakirədə fikirlərini çatdırmaq üçün kifayət qədər 
vaxt çatıb. Kiməsə söhbətdə dominantlıq etməyə 
imkan vermək olmaz. Bu, adətən müsahib yaxşı və 
ya çoxdanışan olanda baş verir.
▪ 
Çoxdanışan,sözcül müsahibin sözünü kəsməkdən 
qorxma.
Nəzakətlə bildir ki, başqa məsələyə keçmək 
lazımdır, başqa birisinə mülayim keçid et, sualını ver. 
▪ 
Təkcə studiya qonağı deyil, telefon, Skype, Google, 
Hangout bağlantıları, sosial şəbəkələr və Whatsapp 
kimi apps’larla yazılan izləyici şərhləri ilə verilişlərə 
rəng qatmaq lazımdır. 
Vaxtı bölərkən bu hissəyə 
xüsusi önəm vermək lazımdır. Çünki hazırda yeni 
media erasında olan jurnalistikaya bu hava və su 
qədər lazımdır.
▪ 
İzləyici şərhlərini, fikirlərini səsləndir.
Əks halda 
onların verilişi dinləmək marağı ölə bilər. Odur ki, 
onlara vaxt ayırmaq vacibdir.
Müasir dövrdə, canlı efirə çıxan hər bir jurnalistin 
qarşısında bir kompüter var. İmkan vermə ki, bu, səni 
dinləməkdən yayındırsın!
Studiyada veriliş yazılır, qonaqlar, aparıcı qarşısında kompüter

---

39
IV BÖLÜM
XƏBƏRLƏR VƏ GÜNLÜK OLAY PROQRAMLARI ÜÇÜN MƏZMUN YARATMA /
RADİO ÜÇÜN YAZMAQ
Aparıcı veriliş gedə-gedə İnternet səhifəyə, 
sosial şəbəkədəki səhifələrə gələn şərhləri izləyir, 
məzmununda alçaldıcı, böhtan, çağırış olmayanları 
birbaşa efirdə oxuyur. Çünki hazırda dinləyicilər 
efirə zəng etməkdənsə, şərh yazmağı daha üstün 
tuturlar. İzləyicinin bu marağı verilişdə interaktivlik 
yaradır. İnteraktiv verilişlərdə istifadəçinin yaratdığı 
kontentdən (UGC) də geniş yararlanmaq olar. Amma 
bu zaman bir-iki məqamı unutmamalıyıq. 
QEYD: Bəzən aparıcı qarşısındakı bilgisayar belə 
köməyə gələ bilmir. Məsələn, veriliş gedərkən o donur, ya 
texnikada nasazlıq baş verir. Bu zaman nə etməli?
▪ Emosiyalarını cilovla. Mikrofon hələ də açıq ola bilər, 
beləliklə, studiyada problem yaşandığı bəlli olar.
▪ Yüngülcə ara ver. Bəlkə, tez həll edilən problemdir, 
ona görə nəsə baş verməsiylə bağlı o saat anons 
vermə. 
▪ Situasiyadan bu sözlərlə də çıxmaq olar: “Ləngiməyə 
görə üzürlü sayın, deyəsən, hazırda reportajın 
yayımlamasında problem var, amma qısa vaxtda onu 
dinləyəcəksiniz”.
▪ Promo və ya anonsa bağlandığınızı qeyd edib, 
qısa fasilə edə, problemin həlli uzanarsa, musiqiyə 
qoşulub bir az da vaxt qazanmaq olar.