Radio jurnaliSTİKA

YADDAŞ
Olay yerinə 
gedən jurnalistin 
çantasında nələr 
olmalıdır?
• Mikrofon, 
diktofon, 
qulaqlıq, əlavə 
batareya,
• İnternet 
üzərindən canlı 
yayım olacaqsa, 
laptop və ya 
planşet və ya 
android, Apple 
tipli telefon,
• İnterneti təmin 
etmək üçün data 
kart.
Yadda saxla: sən 
qəhrəman deyilsən. 
Sənin işin reportaj 
hazırlamaqdır. Odur 
ki, diqqətin baş 
verənləri yazmaqda 
olsun.
Hadisə yerində səs yazılması

---

34
IV BÖLÜM
XƏBƏRLƏR VƏ GÜNLÜK OLAY PROQRAMLARI ÜÇÜN MƏZMUN YARATMA /
VOX-POP
VOX-POP: NECƏ YARARLANMALI?
Vox-pop
küçədə və ya digər ictimai yerlərdə keçirilən 
sorğudur. Vox-pop ictimai fikrin kiçik güzgüsüdür. 
Təbiilik bunu etməyin ən yaxşı yoludur. Yəni 
mikrofonunu, diktofonunu əlinə alıb insanları bir anlıq 
öz aləmlərindən ayırırsan. Küçədən keçənləri, yolboyu 
mağazalarda, emalatxanalarda, dükanlarda işləyənləri, 
dayanacaqda avtobus gözləyənləri bir dəqiqəlik 
saxlayıb sual edirsən.
Necə soruşmalı?
Vox-popa hazırlaşan jurnalist üçün bu suallara cavab 
tapması və aydınlıq gətirməsi çox vacibdir. Vox-pop 
doğru insanlardan, doğru yerdə sual soruşmaqdır. 
Öncə sualın mövzusu bəlli olmalıdır. Bu, sorğudursa, 
mütləq konkret bir şey soruşulmalıdır. Bir sual verin. 
Suallar yox! 
Vox-pop müsahibə deyil, buna qısa müsahibə dəsti 
də demək olar – bir suala bir qısa cavab almaq. Sən 
cavabı dəqiqləşdirmək üçün qısaca aydınlaşdırıcı əlavə 
sual verə bilərsən, amma bundan artıq olmaz. Insanları 
danışdıran sual hazırlayırsan ki, hə - yox cavabları 
almayasan. Bunun üçün də mövzun, hədəfin konkret 
olmalıdır.