O‘zbekiston respublikasi oliy va o‘rta maxsus ta’lim vazirligi o‘rta maxsus, kasb-hunar ta’limi markazi

Keys matni 
Avtomatlarni otishga tayyorlash uni otish vaqtida tutilishsiz ishlashini 
ta’minlash uchun qurolni tozalash, qismlariga ajratish, tozalash moylash va uni 
yig‘ilgan xolda tekshirib ko‘rish o‘qdonlarni ko‘zdan kechirish kerak bo‘ladi. 
Bevosita otishdan avval stvol kanalini quruq holga kelgunicha tozalab artish 
zarur. Agar avtomat sovuqda uzoqroq vaqt mobaynida qolib ketgan bo‘lsa, uni 
o‘qlashdan avval o‘qdonni ajratib olib, zatvor ramasini bir necha marta ortga 
tortib, so‘ng yana oldinga surish kerak. 
Jangovar patronlarni tayyorlash otishdan oldin amalga oshiriladi. Bunda 
gilzada zanglashning va egik joyning yo‘qligi, o‘qni gilza uchida bo‘shab 
ketmaganligi, pistonda yashil mog‘orning yo‘qligi va pistonni gilza tubi satxidan 
chiqib turmaganligi tekshiriladi. Shuningdek, jangovar patronlar ichida o‘quv 
patronlarining yo‘qligi tekshiriladi. Agar patronlar kirlangan yoki uncha qalin 
bo‘lmagan yashil mog‘or bilan qoplangan, zanglagan bo‘lsa quruq toza latta 
qiyqimi bilan artish kerak bo‘ladi. 

---

64 
Patronlarni moylagan latta qiyqimi bilan artish, shuningdek o‘qdonni 
ortiqcha darajada qalin moylangan patronlar bilan o‘qlash taqiqlanadi, chunki 
me’yordan ortiq darajadagi moylash kir to‘planishiga bu esa o‘z navbatida, otish 
paytida tutilishlarga sababchi bo‘ladi. 
Otish mashg‘ulotlarini o‘tkazish joylarida va tirlarda patronlar quruq 
joylarda va quyosh nuridan pana joyda saqlanishi kerak. 
Otish vaqtida avtomatda sodir bo‘lishi mumkin bo‘lgan nosozliklar va ularni 
bartaraf etish usullari. 
Avtomatning qism va mexanizmlariga to‘g‘ri va avaylab muomala qilinganda 
uzoq vaqt ishonchli va tutilishsiz ishlaydi. 
Lekin mexanizmlarning ifloslanishi, ehtiyot qismlarning eyilishi va avtomat 
bilan tartibsiz muomala qilinganda,
shuningdek, patronlarning nosozligi natijasida 
otish vaqtida tutilishlar yuz berishi mumkin. 
Yuzaga kelgan nosozlikni qayta o‘qlash orqali bartaraf etishga urinib 
ko‘rinadi. Buning uchun zatvor ramasini dastagidan ortga tortib, qo‘yib yuborish 
va otishni davom ettirish zarur.