Ádebiyat -klàSLÀr ushín sàBÀQLÍq qàràqàlpàqstàn Respublikàsı Xàlıq bilimlendiriw ministrligi tàstıyıqlàǵàn Qayta islengen hám tolıqtırılǵan 4-basılımı NÓkis «bilim» 2019 p I k I r b I l d I r I w s h I l e r

Jurın:
— Qúdiretli ullı xan. Sharapatıńızǵa qullıq. Siz ne aytsańız, 
bárin bejeremen.
P E R D E
EKINSHI AKT
Úshinshi kórinis
Miywalıdaǵı qorǵan saraydıń ishki jaǵı. Sol shette dárwaza ekinshi 
jaqta Allayardıń jayınıń jazǵı esik awzı. Tóri uzınına ketken baǵ. Tún 
jarpı. Ay jaqtı. Alısta iyretilip aqqan Jańadárya qorǵanǵa qarap aqqan. 
Tábiyǵattıń sulıw kórinisi. Dárwazanıń ústingi jaǵınan Áshir, Amanqul. 
Tómeninde Jurın arı-beri júr. Sayeke uyqısıraǵan túrinde saqshılıqta tur. 
Baǵda sayrap turǵan búlbúller.
Jurın:
— Ya quwanısh, ya irenish bolajaq,
Baǵda búlbúl, yaki gúller solajaq,
Joq! Aytqanım aytqan, degenim degen,
Surshaxanǵa bergen wádem — wáde.
Tanay xanımnıń tapsırǵanın orınlap, onı almasam, Gúlayımdı qırq 
qızı menen uslap shorı qılmasam, tiri júrmespen. 
(Joqarıdaǵı Áshir, 
Amanqulǵa hám Sayekege qarap)
Ey, aqmaqlar! Basıńa tiyer toqpaqlar! 
(Olar shorshıp oyanar).
Áshir:
— Úyge qayta beriń deysiz be?
Jurın:
— Sańırawǵa sálem berseń kúyer, 
Uyqılamań deymen, uyqılamań!
Kórinis:
(Íńıldap qosıq aytıp Otbasqan kirer).
Jurın:
— 
(Shaqqanlıq penen)
Há, batırım jatpay júr ekensiz ele!
Otbasqan:
— Awa, usınday qızıq keshelerde,
Sayraǵan sazlı seslerde,
Uyqı kele me?
Jurın:
— Durıs aytasız batır...
Taw-tawshansız bolmas,
El ráwshansız bolmas, degen.

---

14
Otbasqan: 
— Tawdıń tawshanı tas boladı,
Eldiń ráwshanı jas boladı, qoshshım.
(Biraz pawzadan soń)
— 
Sen esittiń be ele bir xabar?
Jurın:
— 
(Shorshıp)
Joq, joq batırım ne xabar?