Ádebiyat -klàSLÀr ushín sàBÀQLÍq qàràqàlpàqstàn Respublikàsı Xàlıq bilimlendiriw ministrligi tàstıyıqlàǵàn Qayta islengen hám tolıqtırılǵan 4-basılımı NÓkis «bilim» 2019 p I k I r b I l d I r I w s h I l e r

Wázir:
— Xızmetińe bergenbiz qol,
Sarkoptı da alasız,
Qırq qızın da qolǵa alıp,
Basına záwlim salasız.
N a q ı r a t ı :
Sursha:
— Men qırq qız sárdarı Gúlayımnıń usılay juwap 
bererin burınnan-aq bilgenmen. Sarkop jurtın sawash penen almasa, 
bolmaytuǵının da aytqanman. Sonıń ushın maǵan kúsh-quwat kerek. 
Gúmis, altın basqa zat kerek.
Ámeldarlar:
— Qullıq janımız benen...
Sursha:
— Wádeler boyınsha qayda salıqlar.
Nege munsha tólemeydi xalıqlar...
Sawash ushın jaqsı-jaqsı at kerek,
Láshkerine qarıw-jaraqlar kerek.

---

8
Sizler ótirikshi... meni aldaysız,
Ótirikti suw ishkendey jalmaysız.
(Hámme qullıq eter. Jım-jırt).
Kórinis
(Xızmetker kirer)
Xızmetker:
— 
(Iyilip)
Ullı xanımız, arzagóyler ...
Sursha:
—
 (Qáhárli)
Kelsin.
Kórinis
(5 — 6 arzagóy kámbaǵal adamlar kirer)
1-adam:
— Aynalayın xanımız,
Bardur sizde arzımız,
Qáte bolsa keshiriń,
Jarılqaǵay ámirińiz...
Sursha:
— Aytıń!...
II adam
— Qúdiretli xanımız,
Qalmadı qolda barımız,
Bes jıldan bergi salıqtan,
Tek shıqpaǵan janımız.
I adam:
—
 
Qoramızda mal qalmadı
Qozǵalarǵa hal qalmadı,
Bolar-aw, — dep janı ashır,
Bizlerde de ar qalmadı.
II adam:
— Ótinip sizden soraymız.
Kózlerdiń jasın bulaymız.
I adam:
— Qutqarıńız salıqtan.
Joq tóler biziń halımız
Sursha:
—
(sol túneriwi menen)
Ne dep tursız, aqmaqlar,
Kim tóleydi salıqtı,
Jaw-jaraǵı bolmasa,
Kim qorǵaydı patshalıqtı,
Sarkoptı jeńip almasaq,
Qırq qızǵa wayran salmasaq,
Kim beredi baylıqtı 
(bar dawısı menen)
Jállat degen qaydasız.

---

9
(Jállat tayar bolar)
Esitiń mennen jarlıqtı;
Ayamay qamshı urıńlar,
Kim tólemese salıqtı.
(Jállatlar qullıq eter. Arzagóylerdi aydap shıǵar)
Sursha:
—(Óziniń ámeldarlarına qarap)
Eń sońǵı máwletti jáne beremen,
Salıqtı jıynamań, sonda kóremen.
(Barlıq ámeldarlar, biyler qullıq etip shıǵar. Sursha jalǵız ózinen-ózi 
ishek-silesi qatıp kúler. Oyınshı qızların shaqırar, oyın oynalar).