Ádebiyat -klàSLÀr ushín sàBÀQLÍq qàràqàlpàqstàn Respublikàsı Xàlıq bilimlendiriw ministrligi tàstıyıqlàǵàn Qayta islengen hám tolıqtırılǵan 4-basılımı NÓkis «bilim» 2019 p I k I r b I l d I r I w s h I l e r

Jigitler:
 
— Erdi namıs óltirer,
Qoyandı qamıs óltirer,
Er sınalmay bilinbes,
Búgin biziń sınalatuǵın kúnimiz.
Úshewi:
— Xosh, xosh!
Jurın:
— Attan attıń nesi artıq.
Ózi tarlan kók bolsa,
Erden erdiń nesi artıq,
Wádesinde berik tursa, degen.
(Úshewi shorshınayın deydi)
Bayaǵı wáde boyınsha Surshaxan láshkeri 
menen házir keledi. Bizler dárwazanı ashıwımız kerek.
Amanqul:
— Bizler qırq qızdıń jeńisin esitkennen-aq, bul is kóteril-
mes dep oylap edik.
Jurın:
— 
(Qattı jekirinip).
Joq. Endi ne boları boldı, boyawı sińdi. 
Ullı xan bizlerdi abıraysız qılmaydı.
Áshir:
— Jurınjan. Durısında, «tentektiń aqılı tústen keyin enedi» de-
gendey, jigitilikke berilip, dáslep ne bolǵanımızdı bilmeppiz... 
Endi ...
Jurın:
— Ne, endi.
Áshir:
 
— Tuwıp ósken el-elat,
Qurbı-qurdas saltanat,
Óz úyiń óleń tósegiń,
Jaynaǵan baǵıń ráhát,
Kóz qalay qıyadı...

---

16
Jurın:
— Ha ... 
(Qılıshın qınabınan suwırıp)
sen endi tayǵanaqlıq 
qılayın dediń be? Mine, saǵan qorıqqanıńa sıbaǵa. 
(Gellesin qaǵıp taslar, 
Amanqul, Sayeke zárresi qalmay qorqar. Dize búgip jalınar. Jurın olar-
ǵa kewil bólmes)
. Qorqaq yabı shelekten de úrkedi, kelse tósekten de 
túrtedi. 
(Amanqul, Sayekege qarap)
Al, endi sizlershe...
Jaman adam hayt kúni óledi, — degen.
Meniń búgin maqsetimniń orınlanajaq kúni, bárińdi de óz qolımnan 
óltireyin.
Amanqul:
— Bizler izińe eremiz.
Sayeke:
— Ne deseń de kónemiz.
Uzaqta qosıq aytqan qız-jigitlerdiń sesti shıǵar.... bular tez Ashirdiń 
denesin jasırar ózleri de baǵ betke jasırınar
.