Ádebiyat -klàSLÀr ushín sàBÀQLÍq qàràqàlpàqstàn Respublikàsı Xàlıq bilimlendiriw ministrligi tàstıyıqlàǵàn Qayta islengen hám tolıqtırılǵan 4-basılımı NÓkis «bilim» 2019 p I k I r b I l d I r I w s h I l e r

Kórinis
(Oyın oynap júrgen qız-jigitler kirer. Arasında Zinhar, Sápiwra bar).
Qızlar:
— Biz qız bolıp,
Shad bolıp tolıp,
Jadırasıp jaynayıq.
Jigitler:
— Biz, siz bolıp,
Baǵda kúlip,
Quwanısıp oynayıq.
Azmaz tınıshlanıp, soń: 
I Jigit:
— Keldik bunda badam menen,
Bir dáste gúl qádem menen,
Sóylesedi ashılısıp,
Jigit hám de qızlar menen. 
N a q ı r a t ı :
I Qız:
— Jaqsınıń tili dur shashar,
Sóyleskende zeyniń ashar,
Júriń baǵda oynasalı,
Qız-jigitler kewil qosar.
Sápiwra:
— Tartıwlınıń jigitleri,
Tomaǵa ǵana keledi,
Tal shıbıqtay buralıp,
Qıdırma ǵana keledi.
Tabılsa tanıs boladı,

---

17
Tabılmasa ne qıladı,
Degen jigitler sizler me? 
(kúlki).
Zinhar
— Tartıwlınıń jigitleri batır keledi.
Birewi mıńǵa tatır keledi.
Baǵdaǵı gúldi gózleydi,
Ózine miyasar yar izleydi.
Al ... wádesinde turatuǵın,
Mártlikke bel buwatuǵın,
Miywalınıń qızları sizler me?
(Kúlki. Qız-jigitler shadlı túrinde bir-birin quwalasıp tanca oynap, baǵ-
qa sińip keter. Saxnada Zinhar hám Sápiwra qalar).
Zinhar
— Siz bir kúldińiz, men bir kúldim,
Kewlińizdiń barın sonnan bildim.
Sápiwra:
— Kóz, kózge tússe,
Miyrim shapaat júzge túsedi,
Siz búlbúl, biz qızıl gúl,
Biziń kewil de sizdi kúsedi.
(Ekewi qushaqlasıp otıradı. Bul máhál Jurın jigitler menen kelip, 
Sápiwra menen Zinhardı búrkep, awızların tańıp diywal betine jasıradı. 
Qaytıp sahnaǵa kiredi).
Kórinis
(Jurın. Ínjıqbay keler.)
Jurın:
— Búgin sınalatuǵın kúnimiz.
Ínjıqbay:
— 
(Shorshınıp)
— Ne deydi. Bolar ma qarap túnimiz!
Jurın:
— Ne boları boldı. Mende ayaw joq. Qanjarın kórsetip, abay 
etip qoyǵanday. Endi kim tayǵaqlıq etse:
Qadalar tap tánge uwlı oq,
Házir pirler kelip tur,
Oǵan hámme sıyınayıq,
Bir alladan párman tilep,
Baxtımızdı sorayıq.
Siz házir dárwaza giltin ákeliń
Olardı izzetlep esik ashayıq.
2— Ádebiyat, 9-klass

---

18