Тошкент давлат аграр университети н. Т. Хакимова, Р. К. Саттарова

ГЎШТ ПЕПТОН АГАРИ 
Совуқ гўшт пептон бульонига 1,5-2% агар қўшиб, уни бўктириш 
мақсадида 5-10 минут шу ҳолда қўйилади, сўнгра сув ҳаммомида агар эриб 
бўлгунча қиздирилади. Шу тариқа тайёрланган гўшт пептон агари 
пробиркаларга қуйилиб, автоклавда 120
0
да 30 минут стерилланади. Агар-
агар муҳитининг суюлиш ҳарорати 100
0
атрофида, қотиш ҳарорати эса 40-
45
0
. 

---

24 
Озиқа мухитларни тайёрлаш ва сақлаш 
КАРТОШКАЛИ ОЗИҚА МУҲИТИ. 
400 грамм картошка устига 1литр водопровод сувидан солиб 15 минут 
қайнатилади. Қайнатма фильтр қоғоз ёки пахта билан фильтрлаб олинади ва 
пробирка ҳамда колбаларга солинади. Автоклавда 1 атм. босимда 30 минут 
стерилланади. Картошка сувига 20 грамм агар қўшиб зич озиқа муҳит 
тайёрланади. Озиқани қайнатиб, рН аниқлаб, белгиланади. Автоклавда 1 атм. 
босимда 30 минут стерилланади. 
 
 
ДУККАКЛИ ҚАЙНАТМА 
Дуккакли қайнатма туганак бактериялар, моғор замбуруғлар учун яхши 
озиқли субстратдир. Буни тайёрлаш учун дуккаклилар (нўхот, ловия) уруғи 

---

25 
устидан 4 баробар сув солиб, 1 соат қайнатилади ёки автоклавда 0,5 атм. 
босимда 20 минут иситилади. рН аниқлаб белгиланади, ҳамда 1% шакар 
қўшиб, пробирка ва колбаларга солиб, автоклавда 1 атм.босимда 30 минут 
стерилизация қилинади. 
 
СОМОНЛИ ҚАЙНАТМА 
10 грамм сомонга 1 литр водопровод суви солиб 30 минут қайнатилади. 
Ҳосил бўлган қайнатма фильтрланиб, керакли тузлар (К
2
НРО
4
) ва шакар 
(1%) солинади. рН аниқлаб белгиланади ва автоклавда 0,5 атм.босимда 30 
минут стерилизация қилинади. 
ТУПРОҚЛИ АГАР. 
Қуруқ тупроқни ўсимлик қолдиқлари, тош ва қумлардан яхшилаб 
тозаланади. Тупроқни ховончада майдалаб, элакдан ўтказилади. Тупроқни 
колбага солиб устидан дистилланган сувни 1:5 нисбатда қилиб солинади. 
Тайёр суспензия 5-10 минут чайқатилади, кейин 1,5-2% агар қўшилади. 
Озиқани автоклавда 120
0
С ҳароратда 1 соат давомида стерилланади. 
Стерилизация 1 суткадан сўнг яна қайтарилади.