Тошкент давлат аграр университети н. Т. Хакимова, Р. К. Саттарова

Дифференциал - диагностик озиқа -
 
микробларнинг биокимёвий 
хусусиятларини ўрганишда ва баъзи микробларнинг соф культурасини 
ажратишда қўлланилади. Дифференциал диагностик озиқа муҳити микроблар 
томонидан ажратиладиган оқсил ва углеводларни парчаланишини ва 
оксидланиш, қайтарилиш реакцияларини юзага келтирувчи ферментларни 
аниқлашда қўлланилади. 
 
Бунга суюқ, углеводли Гисс озиқаси ва Эндо, Левин индикаторли қаттиқ 
озиқа муҳити мисол бўлади. 
Ҳозирги вақтда озиқа муҳитларни тайёр рецептлар билан фабрикаларда 
қуруқ порошок ёки суюқ концентрация ҳолида чиқарилмоқда. 
Ҳар бир микроорганизмларни ўстириш учун тайёрланган озиқа муҳити 
қуйидаги талабларга жавоб бериши лозим: 
1.
Микроблар учун керакли озиқа моддалар, азот, углерод, кислород ва сув, 
неорганик тузлар бўлиши керак. 
2.
Микроблар эриган ҳолда озиқа моддаларни қабул қилгани учун улар нам 
бўлиши керак. 
3.
Ёд микроблардан ҳоли қилиш учун стерилланган бўлиши шарт. 
4.
Озиқа муҳити тиниқ бўлиши керак, сабаби у микроорганизмларни ўсишини 
кузатиш учун қулайдир. 
5.
Озиқа муҳити рН реакциясига тўғри келиши керак. 
ГЎШТ ПЕПТОН БУЛЬОНИ. 
Бу озиқа муҳитни тайёрлаш учун 50 грамм қийма олиниб, устига 
водопровод сувидан 1000 мл қуйиб совуққа 12 соат қўйилади. Кейин сурп 
латтадан ўтказилиб қайнатилади. Оқсиллар қайнаганда ивиб қолади, шунинг 
учун улар аввал сурп латтада сузилади, сўнгра букланган қоғоз фильтрдан 
ўтказилади. Шу тариқа гўшт бульони ҳосил бўлади. Шу бульонга 1% пептон 
ва 0,5% NaCl қўшилади. Пептон эригунча иситилади ва махсус компаратор 
ёрдамида муҳитнинг реакцияси аниқланади. Натижада гўшт пептон бульони 
ҳосил бўлади ва уни қайнатиб, қоғоз фильтрдан ўтказилади. Бульон 
пробиркаларга қуйилиб, оғзи пробка билан ёпилади ва автоклавда бир 
атмосфера босимда 30 минут стерилланади.