Toshkent davlat yuridik universiteti

 
 
NAZORAT UCHUN SAVOL VA KAZUSLAR 
 
1.
Har bir davlat investitsiya munosabatlarini tartibga soluvchi qonun 
hujjatlarida investorlarning majburiyatlarini mustahkamlab qo‘yadi. 
Respublikasi qonunchiligi asosida investorlarning majburiyatlarini tahlil 
qiling. 
2.
Janubiy koreyalik investor Li Jung Xo 2014-yilda meva sharbatlari 
ishlab chiqaruvchi korxona tashkil qildi. Korxonani ishga tushirish uchun 
xorijiy investor 3 million AQSH dollari miqdorida investitsiya kiritdi. 
Korxona tomonidan ishlab chiqarilgan mahsulotlar asosan Sharqiy Osiyo 
mamlakatlariga eksport qilinadi. Korxonaga xizmat ko‘rsatuvchi Ipoteka 
bankning Samarqand shahar filiali korxona xorijiy valyutadagi 
tushumining 50 foizini majburiy davlat kursida sotishi kerak deb uning 
hisobraqamidan 100 ming AQSH dollar kesib oldi, o‘rniga so‘m qo‘yib 
qoʻydi. Bundan norozi bo‘lgan korxona vakillari sudga murojaat qildi. 
Vaziyatni Oʻzbekiston Respublikasidagi mavjud qonunchilik 
hujjatlari asosida tahlil qiling.
 
3.
Italiyalik investor Eduard Motta Namangan viloyatida joylashgan 
“Ideal” mas’uliyati cheklangan jamiyat vakillari bilan kelishib jamiyatga 
150 ming AQSH dollari miqdorida xorijiy investitsiya kiritishni 
rejalashtirdi. Oʻzbekiston Respublikasi Investitsiyalar boʻyicha davlat 
qo‘mitasi italiyalik investor tomonidan olib kirilayotgan investitsiya 
mas’uliyati cheklangan jamiyat ustav kapitalining 15 foizini tashkil 
qilayotganligi bois xorijiy investitsiyaning olib kirilishiga ruxsat 
berilmasligini ma’lum qildi. Bundan norozi bo‘lgan xorijiy investor va 
mas’uliyati cheklangan jamiyat vakillari vazirlik nima sababdan ruxsat 
berilmasligini asoslab berishni talab qildi. 
Vaziyatni Oʻzbekiston Respublikasidagi mavjud qonunchilik 
hujjatlari asosida tahlil qiling. 

---

236