Билим соҳаси – Социал таъминот ва соғлиқни сақлаш 500000

Керниг симптоми.
Чалқанча ётган болани бир оёғини чаноқ-сон ва 
тизза бўғимида букилса уни тик қилиб тўғрилаб бўлмайди. Рефлекс 4 ойгача 
бўлган болаларда ижобий бўлиб бу физиологик ҳолат ҳисобланади. 4 
ойликдан кейи ижобий бўлса - патологик белги ҳисобланади. 
 
Энса мускуллари регидлиги симптоми.
Энса мускуллари тонусини 
ошганлиги сабабли бошни олд томонга эгиб бўлмайди. 
Брудзинский симптоми
(юқори, ўрта, пастки). Юкоригиси - бошни ияк 
кўкрак соҳасига теккизгунга қадар эгилганда, оёқ тизза ва чаноқ-сон 
бўғимларида букилади. Ўртаси - қов супачасига (симфиз) босилса, оёқ тизза 
ва чаноқ-сон бўғимларида букилади. Пасткиси - бир оёқни чаноқ-сон ва тизза 
бўғимларида букилса, бошқа оёқда ҳам рефлектор ҳудди шундай букилиш 
кузатилади. 
 
Лесаж «илинтирмоқ» сиптоми.
Агар болани қўлтиғидан ушлаганча 
кўтарилса, у оёғини тизза ва чаноқ-сон бўғимларида букиб қорни томон 
йиғади, ва шу ҳолатда ушлаб туради (соғлом бола эса оёғини бемалол букиб 
ёза олади). 
Флатау симптоми.
Бола бошини тезликда олд томон эгилса, унинг кўз 
қорачиғи кенгаяди, чақалоқ ва кўкрак ёшидаги боланинг 1,2- ойларида 
менингиал симптомларни аниқлаш уларда мушак тонусини ошиқлиги 
мавжудлиги сабабли қийин бўлади. Шунинг учун уларда катта лиқилдоқни 
таранг бўлиб ёки кўтарилиб қолганлигини, безовта ҳаракатни, тўхтовсиз 
қичқиришни, асабийлашиш ва ҳушсиз бўлиб қолишни алмашиниб туришини, 
қусиш ва тиришишликни, ҳароратни ошганлигини аниқлаш ҳам муҳим 
диагностик белги ҳисобланади. Касалликни оғир шаклида кўрсатиб ўтилган 
умумий мияни жароҳатланиш симптомларидан ташқари жараённи мияни 

---

196 
маълум бир қисмига таъсиридан, ўзига хос белгилар ҳам пайдо бўлиши 
кузатилади. 
Агар таъсир этаётган жараён мия ярим шарининг бўртган соҳасида 
бўлса кўпинча безовталик, тиришишлик,хуружлар билан бошланиб 
кейинчалик парез ва фалажлар пайдо бўлади. 
Мия асосида бўлса жуда эрта бош мия асабларини жароҳатланиш 
белгилари (кўриш ва эшитишни пасайиши, птоз, ғилайлик) бошланади. 
III қоринча тубида бўлса гипоталамик, вазаматор бузилишлар 
(гипотония, гипертония, қон босимини ўзгарувчанлиги, оёқ - қўлни совуши), 
метаболик тери вегетатив рефлекслар, пешоб чиқариш, дефекацияни 
бузилиши, нейро - эндокрин ўзгаришлар (ҳар турдаги модда алмашувни 
бузилиши, беморни озиб ёки семириб кетиши) кузатилади.