Билим соҳаси – Социал таъминот ва соғлиқни сақлаш 500000

 
Расм 15.
Автоматик қадам Расм 16.
Эмаклаш (Бауэр) рефлекси
ташлаш рефлекси 
Бауэр – эмаклаш рефлекси.
Болани қорни билан боши ва танасини 
ўрта чизиқда қилиб ётқизилса, у бир неча лаҳзага бошини кўтариб 
эмакламоқчи бўлади. Агар оёқ кафтига қўл кафтини қўйилса, у рефлектор 
равишда қўлни итариб, оёқ ва қўли билан эмаклаш ҳаракатини қилади, 
рефлекс 4 ойда йўқолади. 
Қидирув рефлекси.
Оғиз бурчаги атрофи териси силанганда, боланинг 
лаби пастга тушиб, тилининг четлашиши ва бошини силанган томонга 
бурилиши кузатилади. Рефлекс биринчи йил охирида йўқолади. 
Сўриш рефлекси.
Агар болани оғзига сўрғич солинса, у фаол сўриш 
ҳаракатини қилади. Рефлекс биринчи йил охирида йуқолади. 
Орбикулопальпебрал рефлекс.
Бармоқ билан орбитани юқори ёйига 
уриб кўрилганда, шу томон кўз қовоғи юмилади. Рефлекс 6 ойликда 
йўқолади. 
Бабкин кафт – оғиз рефлекси.
Бола кафтининг тенор олди қисми бош 
бармоқ билан босилганда унинг оғзи очилиб, боши эгилади. Рефлекс 3 
ойликда йўқолади. 

---

185 

 
Расм 17.
Бабкин кафт – оғиз рефлекси Расм 18.
Ушлаб олиш рефлекси 
Бабинский рефлекси.
Боланинг оёғи кафти ташқи чегарасидан, товондан 
бармоқларга қараб қитиқланганда, бош бармоқ орқага, бошқа бармоқлар 
пастга қараб эгилади. Бу рефлекс 2 ёшгача физиологик ҳолат ҳисобланади. 
Ушлаб олиш рефлекси.
Бола кафтига қўйилган бармоқни маҳкам 
чангаллаб ушлаб олади. Бунда бармоқни ушлаш кучи шу даражага етадики, 
ҳатто бармоқларда болани кўтариш мумкин (Робинсон рефлекси). Худди 
шундай рефлексни оёқларда ҳам чақириш мумкин. Бунда бола оёқ кафтини 
2-3 бармоқ асосига босилса, бармоқлар оёқ кафти томон эгилади. Рефлекс 2-4 
ойликда йўқолади. 
Моро рефлекси.
Бола ётган столга (боланинг бошидан 15-20 см 
узоқликда) урилганда ёки шифокор қўлига тутиб турган болани бирданига 20 
см пастга тушириб, кейин илгариги сатҳга кўтарилганда, олдин бола иккала 
қўлларини ён томонга ёзиб, кейин илгариги ҳолатига қайтаради, бу рефлекс 4 
ойгача сақланади. 
Перес рефлекси.
Болани қорнига ётқизиб, умуртқа ўсимталари 
устидан, думғазадан бўйингача бармоқларни озгина босган ҳолда юргизилса, 
у танасини букиб, бошини кўтаради, оёғи ва қўлини йиғиб қичқиради ва 
баъзан сийиб юборади. Бу рефлекс 4 ойда йўқолади. 

---

186