Билим соҳаси – Социал таъминот ва соғлиқни сақлаш 500000

5.5. Шахсий билим ва хусусиятлар 
 
Ҳамшира ўз иши фаолияти давомида, яъни беморлар билан мулоқотда 
бўлганда, ўз ишини, билимини ва унга юкланган масъулиятларини 
бажариши, юқорида айтиб ўтилган хусусиятларни ишлата билиши бемор 
билан ҳамшира ўртасидаги муҳитни (ҳамшира-бемор) белгилаб беради. 
Бу бўлимда бутун эътибор Сизга (ҳамширага) қаратилади. 
Бу бўлимда шахсий билим ва хусусиятларга кирувчи ширинсуханлик, 
очиқ чеҳралик, ҳозир бўлиш ҳисси, ўз-ўзини тушуниш кабилар кўзда 

---

70 
тутилади. Инсондаги ички «Мен» коммуникацияга ва ўзгаларни тушунишга 
катта таъсир кўрсатади. Ўз-ўзини тушуниш қийин масала ҳисобланади, 
чунки ўз тўғримизда қандай фикрдалигимиз, ўзгалар биз тўғримизда қандай 
фикрда эканликлари ва аслида ким эканлигимиз ўртасида аниқ чегара қўйиш 
ҳар доим ҳам осон кечмайди. Ўзгалар ёрдамида ўз хатоларимизни англаш ва 
ўзимиз тўғримизда кўпроқ маълумотга эга бўлишимиз мумкин. 
Бу бўлим 6 қисмга бўлинади: 
- Илиқлик ва ҳозир бўлиш туйғуси. 
- Ўзини намоён қилиш. 
- Ўзини англай олиш. 
- Ўзини қабул қила олиш. 
- Яхши ва ёмон томонлар. 
- Ўз билимини ва хусусиятларини қўллаш. 
5.5.1. Илиқлик ва ҳозир бўлиш 
Илиқлик ва ҳозир бўлиш сезгиси қандай кўринишларда учрашини 
кўриб чиқамиз. Ҳамшира буни қуйидаги йўллар билан намоён қилиши 
мумкин. 
- Кулги. 
- Бемор билан дўстона муносабатда бўлиш, унинг исми билан мурожаат 
қилиш. 
- уни ўзига яқин тутиш. 
- Бемор билан ҳеч қандай қийинчилиқсиз суҳбат қилиш. 
- Беморга нисбатан бефарқ эмаслигини билдириш. 
Ҳозир бўлиш сезгиси – бу жисмоний ва руҳий жиҳатдан қатнашишдир. 
Бу имкониятни орада илиқлик туғдириш учун ишлатиш лозим. Бу 
имкониятингизни қуйидаги йўллар билан амалга оширишингиз мумкин: 
- Беморнинг кўзларига боқиб туринг. 
- Кўзларингиз билан мулоқотни қўллаб туринг, тик қараманг. 

---

71 
- Ҳаракатингиз билан беморга қизиқишини кўрсатинг. 
- «Ҳа» маъносида бошингизни иргаб туринг. 
- Маълумотларни тушунишга ҳаракат қилинг.