Билим соҳаси – Социал таъминот ва соғлиқни сақлаш 500000

5.3. Мулоқот ўрнатиш 

---

66 
«Мулоқот ўрнатиш» тушунчаси қаторига коммуникациянинг асоси бўлиб 
хизмат килувчи ҳозир бўлиш сезгиси, эшитиш маҳорати, қабул қилиш 
маҳорати, хавотирни билдира олиш, беморга дилни оча билиш, ўзга 
қарашларни қабул қилиш, бирга қайғуриш ва ўзгани ҳурмат қила билиш 
тушунчалари киради. 
Барча одамлар мулоқот ўрнатиш учун айнан шу компонентлардан маълум 
даражада бохабар бўладилар. Ҳамширалар учун тушуниш ва жавоб қайтариш 
жараёнида мақсад беморнинг «сир»ини очиш эмас, балки «сир»ни ўрганиш, 
яъни мулокотдавомида инсоннинг феъл-атворини ўрганишдан иборат. 
Бундай ҳаракатлар орқасидан Сиз ўзгалар ва ўзингиз ҳақида кўпрок 
маълумотга эга бўласиз. 
Коммуникация
 
– ҳамширалик ишининг асосидир. Инсонни тушуниш ва 
у билан мулоқот қилиш учун ҳурмат ва эътибор талаб қилинади. 
Ўзаро мулоқот қилиш – коммуникациянинг асосий компонентлари: 
Ҳозир бўлиш сезгиси, ҳамширанинг эшитиш маҳорати, қабул қила олиш 
маҳорати, хавотирни билдира олиш маҳорати. Ўзга қарашларни қабул қилиш, 
бирга қайғуриш, самимийлик ва ўзгаларни ҳурмат килиш. 
Ҳозир бўлиш сезгиси – кенг маънода ўзга одам билан учрашувни билдиради, 
бу эътиборнинг аниқ кўриниши бўлиб, қабул қилиш ва қизиқишдан иборат. 
Ҳамширанинг эшитиш маҳорати – бунинг учун ҳамширадан сезгирлик, 
тушуниш, ўзга одамни муҳокама қилишдан ўзини тийиш каби ҳислатлар 
талаб қилади. Сўз юритилаётган мавзуни чуқур англаш учун, шу ҳислатларни 
ўзида ривожлантириш ва юксак даражага чиқариш талаб қилинади. Яхши 
тингловчи бўлиш учун эса бутун фикрини узга одамга жамлаш, ўз ўй-
фикрларини сўндира ола билиш керак. 
Хавотирни билдириш маҳорати – ўзга одамга хавотирни билдириш, унга 
ёрдам бериш кўзда тутилади. Ҳамширалик амалиётида хавотирни билдириш 
маҳорати муҳим омил бўлиб ҳисобланади. Ҳамшира учун бу ҳислат кўп 
нарсани англатади ва бемор тўғрисида ташвиш тортиш, ҳол-аҳвол сўраш, 
парвариш қилишни ўз ичига олади. 

---

67