Microsoft Word uylanish odobi ziyouz com doc

 
* * * 
Яна айтишларича, бир гуруҳ одам Юнус (а.с.) ҳузурларига келишди. Юнус (а.с.) уларни 
меҳмон қилиб, икромда бўлдилар. Ичкари кириб, ташқари чиққанларида хотини азият бериб, у 
зотни (сўз билан) узиб олдилар. У Зот (а.с.) сукут қилар ва сабр этардилар. 
Меҳмонлар бу ҳолдан ҳижолат бўлдилар. 
Шундан сўнг Юнус (а.с.) марҳамат этадилар: 
«
Ҳижолат чекманг! Чунки мен Аллоҳ таолога дуо қилдим ва: «Ё Раббим! Мени охиратда 
жазолантирма!» дея ёлвордим. У эса дуомни қабул этди ва марҳамат айлади: «Сенинг жазоинг, 
фалон кишининг қизига уйланишинг бўлур». Шундан сўнг мен унга уйландим. Мана, кўриб 
турибсизки, ҳозир ҳам унинг азиятларига сабр этмоқдаман. Бундай сабрда нафс учун риёзат 
бор. Айниқса, ғазаб тийилиши ва хуш феълланиш, яъни хулқни гўзаллаштириш бор». 
 
 
НИКОҲНИНГ ОФАТЛАРИ 
Никоҳнинг учта офати бор.
Никоҳнинг биринчи офати: 
Ҳалол луқмадан ожиз қолиш эҳтимоли. Чунки тирикчилик тангу тор вақтларда ҳалол 
луқмани таъмин этмоқ мушкул ва никоҳ ҳаром емоққа сабаб бўлиб қолиши мумкин. 
Бўйдоқ, бева бўлган киши ўшандай ҳолга тушиб қолишдан ўзини осонроқ қўрийди ва 
аминроқ бўлади. 
Оилали киши умуман ёмон ва ҳаром йўлга осонроқ киради. Чунки у хотинининг орзу-
ҳавасига, истагига тобе бўлади ва дунёсининг муқобили ўлароқ охиратини сотади. 
Расулуллоҳ (с.а.в.) марҳамат этадилар: 
«
Бир қул мезон (қиёматда тарози) ёнида турғизилади. 
Унинг тоғларча савоби бор: 
Оиласининг кечимидан сўроққа тутилади. 
Молини қайдан топиб, қайга сарф-харж этганидан сўралади. 
Барча савоблари (ҳақдорлар тарафидан) қўлидан олинади. Битта ҳам савоби 
қолмайди. 
Шунда малаклар шундай нидо қиладилар: «Дунёда қозонган барча савобларини 
оиласи еган ва бугун барча амаллари гаровга қолган киши мана будир!». 
Айтилмоқдаки, қиёмат куни бир кишидан энг аввал талаб этилажак бўлган - оиласи ва 
болаларидир. Улар Аллоҳ ҳузурига чақирилиб шундай дерлар: «Эй Роббимиз! Бизнинг 

---

Уйланиш одоби. Имом Ғаззолий 
www.ziyouz.com kutubxonasi 
18
ҳаққимизни ундан олиб бер. Чунки у бизга билмаганимизни ўргатмади. Бизга ҳаром едирди. 
Биз унинг ҳаром эканини билмадик». 
Бундан сўнг уларнинг ҳаққи ундан олинади. 
Салафи солиҳийндан бир зот шундай деганлар: 
«
Аллоҳ таоло бир қулига ёмонлик тиласа, дунёда унга оилани мусаллат этгай». 
Расулуллоҳ (с.а.в.) марҳамат этадилар: