Microsoft Word uylanish odobi ziyouz com doc

www.ziyouz.com kutubxonasi 
3
БИРИНЧИ БОБ 
НИКОҲНИ ТАШВИҚ ЭТМОҚ 
Ислом олимлари никоҳ фазилати ҳақида ихтилоф этганлар. 
Баъзи олимлар никоҳнинг Аллоҳ таолога ибодатда ёлғиз қолишдан афзалроқ экани 
қаноатига борганлар. 
Бошқа бир тоифа олимлар никоҳнинг фазилатини таъкидлаган ҳолда Аллоҳ таолога 
ибодатда ёлғиз қолишнинг афзал эканини айтишади. 
Бу қарашлар орасидан ҳақиқат ўртага чиқиши учун аввал мавзуга алоқадор оят ва 
ҳадисларни зикр этамиз, сўнгра никоҳнинг фойда ва зарарларини изоҳлаймиз. 
НИКОҲНИ ТАШВИҚ ЭТГАН ОЯТЛАР 
Аллоҳ таоло марҳамат этади: 
«
Сизларнинг орангиздаги тул (эркак ва аёл)ларни ва чўриларингиздан яроқлиларини 
уйлантирингиз. Агар (улар) камбағал бўлсалар Аллоҳ уларни ўз фазли билан бойитур. 
Аллоҳ (фазлу карами) кенг ва доио Зотдир». (Нур, 24/32). 
Бу ердаги буйруқ қатъий эмас, балки мандубдир, яъни қилса савоб, қилмаса гуноҳкор 
бўлмайди ёки ижро этиш - савоб, тарк этиш - мубоҳдир. Ҳанафий мазҳабига кўра, уйланиш 
уйланмасдан умрини ибодатда ўтказишдан афзал, балки суннатдир. Шофеъий мазҳаби бўйича 
уйланмай, умрини ибодатга бағишлаш афзал. 
Бу оятда амр бор. Яна шундай амр этилган:
«
Хотинларни талоқ қилганингизда (идда) муддатига етган бўлсалар, (эй, ота-она ва 
қариндошлари!) улар ўзаро яхшиликча келишиб олган бўлсалар, эрларига (қайта) 
никоҳланишларида уларга тазйиқ ўтказмангиз!» (Бақара, 2/32) 
Бу оятда наҳй бор. Яна марҳамат этилади:
«
Дарҳақиқат, сиздан илгари ҳам (кўп) пайғамбарлар юборганмиз ва уларга хотинлар 
ва зурриётлар берганмиз». (Раьд, 13/38). 
Бу оятда пайғамбарларнинг васфи бор. 
Яна шундай марҳамат этилган: