Microsoft Word uylanish odobi ziyouz com doc

www.ziyouz.com kutubxonasi 
20
олинмоғи лозим. 
Киши агар нафл намоз, ҳаж ва шунга ўхшаш жисмоний амалларда охират йўлига кирган бир 
киши бўлмаса, у ҳолда уйланиши ўзи учун уйғунрок бўлади. 
Чунки ҳалол луқмани қўлга киритишга киришиш, оиласининг ҳақ ва ҳуқуқини ўйлаш 
фарзанд кўриш учун ҳаракат қилмоқ ва аёлларининг турли феълларига сабр этмоқ ҳам ибодат 
турларидан ҳисобланади. 
Буларнинг фазилати ҳам нафл ибодат савобидан кам эмас. 
Агар у қилаётган қуллик илм, фикр ва ботиний йўлда илгариламоқ билан бўлса, у ҳолда 
уйланмаслик уйғунроқ бўлади. 
Агар дейилсаки: «Фазилати бўлиши билан бирга Ийсо (а.с.) нечун уйланмадилар? 
Яна, агар Жаноби Ҳаққа ибодат учун уйланмаслик янада афзалроқ эса, у ҳолда Расулуллоҳ 
(
с.а.в.) нечун кўп бор уйландилар?» 
Билингки, жимога кучи етган, манийси кўп бўлган, дунёга машғул бўлмай, Аллоҳ таолодан 
ғофил қолмайдиган киши учун уйланмоқ афзал. 
Расулуллоҳ (с.а.в.) ибодат ва никоҳнинг барча фазилатини кучли бир шаклда ўз 
шахсиятларида тўплаганлар. Тўққиз хотин билан никоҳли бўлишлари билан бирга у зотнинг 
кўнглини Аллоҳ таолога ибодат фикру зикри эгаллаб олган. 
Шубҳасиз, хотинларининг дунёвий эҳтиёжларини таъмин этмоқ учун қилган амаллари ҳам у 
Зотни (с.а.в.) Ҳақ таолодан чалғитмаган. 
Расулуллоҳнинг (с.а.в.) даражалари жуда юксак эди. Шу боис ҳеч нарса у Зотнинг (с.а.в.) 
кўнгил ҳузурларини бузмаган, кўнглини ҳар доим Аллоҳ таолога боғлашларига, ҳар доим 
Аллоҳ билан бирга бўлишларига халал бермаган. 
Ҳатто шундай бир даражага юксалган эдиларки, хотиннинг тўшагида ҳам ваҳий келарди. 
Анас (р.а.) шундай дейдилар: 
«
У Зот (с.а.в.) хотинининг ётоғида пайтида ҳам ўзларига ваҳий тушарди». (Ҳазрати 
Анасдан (р.а.) Бухорий ривояти). 
Ҳеч бир одамни Муҳаммад Мустафо (с.а.в.) билан муқояса қилиб бўлмайди. 
Ҳазрати Ийсога (а.с.) келсак, у зотнинг ҳоллари ўзгача. У Зот уйланмасликни - ёлғизликни 
афзал кўрганлар. 
Эҳтимолки, у Зотнинг (а.с.) ҳоллари уйланадиган бўлсалар, Аллоҳ таолодан чалғиши 
мумкин бўладиган бир аҳволда эдилар! Ёки бошқа сабаблар бўлгандир. 
Энг тўғрисини Аллоҳ таоло билади, албатта. 

---

Уйланиш одоби. Имом Ғаззолий