Microsoft Word uylanish odobi ziyouz com doc

«
Сиздан бирингиз бир аёлни кўриб, унга хаёли кетса, дарҳол ўз хотини билан 
қўшилсин!» (Жобирдан (р.а.) Муслим ва Термизий ривоят этганлар) 
Хотини билан алоқасиз ҳолда бўлмасликни Расулуллоҳ (с.а.в.) умматга тавсия этганлар ва 
шайтон қон каби томирларда кезишини билдирганлар. 
НИКОҲНИНГ УЧИНЧИ ФОЙДАСИ 
Завжалар билан бирга ўтирмоқ, уларга қарамок ва улар билан ҳазил-ҳузул қилиб ўйнашмоқ, 
тегишмоқ нафсларига роҳат беради. Кўнгил роҳатланиши оқибатида ибодатга бўлган соғинч ва 
иштиёқ ортади. 
Муттақий зотлар ҳалол йўл билан кўнгилларини роҳатлантирадилар ва кўнгилдан Аллоҳдан 
бошқа ҳар нени чиқариб ташлайдилар. 
Аллоҳ таоло марҳамат этади: 
«
У (Аллоҳ) сизларни бир жондан яратиб, ундан унинг жуфтини унга (уйланиб) таскин 
топиши учун пайдо қилган зотдир» (Аъроф, 7/189). 
Али (р.а.) шундай деганлар: «Вақти-вақти билан кўнгилларингизни роҳатлантирингиз. 
Чунки агар кўнгил бир нимадан қувонмаса, хушланмаса, унга қарши бўлади». 
Абу Зар (р.а.) ривоят этган хабарда шундай дейилади: «Оқил киши зиммасида бўлган зарур 
нарса - вақтини уч кисмга ажратмоқдир: 
Бир қисмида Роббига дуо қилиб ёлворади. 
Бир қисмида ўз нафсини ҳисобга тортади. 
Бир қисмида еб-ичиши билан машғул бўлади». 
Расулуллоҳ (с.а.в.) шундай дейдилар: 
«
Жаброилга (а.с.) жимо қувватим сусайганидан шикоят қилдим. У Зот (а.с.) менга 
ҳалим (ҳариса) емоғимни тавсия этдилар». 
Бу ҳадиснинг саҳиҳ ёки саҳиҳ эмаслиги ҳақида турли фикрлар бор. 
Агар саҳиҳ бўлса, фақат шаҳватни кучайтириш учун эмас, айни вақтда кўнгилни мосиво 
этмоқ ва зикруллоҳга ҳозирламоқ учундир. 
Кўнгилнинг хотиржамликка эришиши ва ҳузур топиши кишиларнинг хос ҳолларига кўра 
ўзгаради. 
Баъзилар уйланиб кўнгил ҳузурига эришади. Баъзилар оқар сувларга қараб сокинлик топади. 
Баъзилар эса, яхшиликка боқиб ҳузурланади.