Холдор Чиниқулов, Анвар Жўлиев

19 боб. КЎЛЛАР ВА БОТҚОҚЛИКЛАРНИНГ ГЕОЛОГИК 
ИШИ 
19.1. Кўллар 
 
Кўл деб қуруқлик юзасида сув билан тўлдирилган ва Дунѐ 
океани билан бевосита алоқага эга бўлмаган ботиқликларга 
айтилади. Уларнинг умумий майдони 2,7 млн км
2
га яқин ѐки 
қуруқлик юзасининг 1,8% ни ташкил этади. Кўлларни ўрганиш 
билан лимнология ѐки кўлшунослик география фанлари 
шуғулланади. 
Ўзининг ўлчамлари, келиб чиқиши, гидрогеологик режими, 
сувининг кимѐвий таркиби бўйича кўллар жуда хилма-хил бўлади. 
Эгаллаган майдони бўйича энг йириги бўлиб Каспий денгизи (395 
минг км
2
), Шимолий Америкадаги Юқори кўли (82,4 минг км
2
) ва 
Африкадаги Виктория кўли (69,4 км
2
) саналади. 
Кўлларнинг энг чуқурлари бўлиб Байкал (1741 м) ва Таганика 
(1435 м) ҳисобланади. 
Ботиқлигининг келиб чиқишига боғлиқ ҳолда кўллар эндоген, 
экзоген ва аралаш турларга бўлинади. Ботиқлиги ички геодинамик 
жараѐнлар натижасида шаклланган эндоген кўллар орасида 
уларнинг иккита бош гуруҳи - тектоник ва вулканик турлари 
ажратилади.
Тектоник кўллар одатда ер пўстининг рифт структураларидаги 
йирик ер ѐриқлари зоналарида жойлашган. Улар одатда узунлиги ва 
катта чуқурлиги билан характерланади. Бу гуруҳга Байкал, 
Иссиқкўл ҳамда Арабистон яриморолидаги Ўлик денгиз ва 
Африкадаги Танганика киради (177, 178-расмлар). 
177-расм. Байкал кўлининг фазодан 
кўриниши.
178-расм. Иссиқкўл. 

---

332 
Вулканик кўллар сўнган вулканлар кратерида ва портлаш 
трубкаларида, баъзан водийларнинг лава оқимлари билан тўсилиб 
қолиши туфайли ҳосил бўлади. Кратер кўллари одатда думалоқ 
шаклга, нисбатан катта бўлмаган ўлчамларга (Камчатка, Курил 
ороллари ва Исландиядаги баъзи кўллар) эга бўлади (179-расм). 
Экзоген 
кўлллар 
хилма-хил 
бўлади. 
Уларнинг 
ботиқликларини шакллантирган экзоген жараѐнларга боғлиқ ҳолда 
музлик, карст, қайир ва дельта, ўпирилиш ва техноген кўллар ажра-
тилади. 
Музлик кўллари одатда музликларнинг эрозион фаолияти 
(трогли водийлар, ҳайдаш ванналари) ѐки мореналарнинг нотекис 
тўпланиши туфайли вужудга келган ботиқликларни тўлдиради. 
Кўллар тўртламчи даврда қоплама музланишга эга бўлган 
районларда (Скандинавия, Кола яримороли, Карелия) айниқса кенг 
тарқалган (180-расм).