Бухоро давлат университети жисмоний маданият факультети

ЁШ ОИЛАЛАРДА СОҒЛОМ ТУРМУШ ТАРЗИНИНГ АХАМИЯТИ 
Акрамов С.Ш., 
катта ўқитувчи, Бухоро давлат университети, Бухоро ш. 
Улуғ шоир Алишер Навоий жисмоний тарбия ёрдамида эришиладиган саломатликни, чаққонлик 
ва эпчилликни, кучлилик ва мардликни тараннум этувчи достонлар яратган. Ўтмишда яшаб ўтган буюк 
мутафаккирлар, Шарқ ва Ғарбнинг улуғ давлат арбоблари жисмоний тарбия одам турмуш тарзини 
соғломлаштиришга хизмат қилувчи омил бўлиши зарур деб ҳисоблаганлар. 
Бизнинг бобокалонларимиз ўзларининг кундалик турмушида кенг маънодаги турмуш тарзи ва 
жисмоний тарбиянинг қатъий нормаларига риоя қилиб яшаганлар. Улар ўлкамизнинг икдими ва табиий 
шароитига хос бўлган хусусиятларини жуда яхши тушунганлар ва кундалик турмушда ҳисобга олиб 
яшаганлар. Чўл-саҳролар яқин бўлган, бинобарин, чанг-тўзон кўтарилиб турадиган иссиқ иқлим 
шароитида саломатлик учун баданнинг тоза бўлиши ниҳоятда зарур бўлган. Шунинг учун улар 5 вақт 
намоздан олдин 5 маҳал таҳорат олиб, ўз баданларини покиза саклаганлар. Уй ичини ва ҳовли-
жойларини сув сепиб, супуриб озода сақлаш, албатта бажарилиши шарт бўлгак ишлардан ҳисобланган. 
Улар бир супа жойга ҳам атиргул, ҳам чиннигул, райҳон ва жамбуллар экиб, уларшшг кўм-кўк яшнаб 
туриши учун ҳар куни сув қуйиб парвариш қилиб турганлар. Ариқлардаги, анҳор в а ҳовузлардаги 
сувларни муқаддас билиб юза саклаганлар. Тиниқ, зилол сувларни кечқурун челакларга
т
хумларга 
тўлдириб, зрталабгача устини ёпиб қўйганлар, Эрталаб ана шу тиндирилган сувни қайнатиб, ундан 
кейингина уни чой ва овқатга ишлаттанлар. Шу нарса ибратлики, сувга бундай муносабат одамларга 
нисбатан ҳам жущдай кўчиб инсоний муносабатларни олийжаноб даражага кўтарган, яъни қўшнисига 
оқиб чиқадиган сув ҳеч қачон ифлос қилинмаган, унта мағзава тўкилмаган. Бундай олижаноблик 
қўшниларнинг бир-бирларига қариндошлардек меҳр- оқибатли ва саховатли бўлишига хизмат қилади. 

---