|
“ХОТИН-ҚИЗЛАР СПОРТИ: ИМКОНИЯТЛАР ВА ИСТИҚБОЛЛАР”
50
Қарорда ўз ечимини топган муҳим масалалардан яна бири –ҳудудий кўп тармоқли тиббиёт
марказларида спорт тиббиёти бўлимларининг ташкил этилиши ва уларнинг моддий-техник базасини
мустаҳкамлаш белгилаб қўйилганидир.
Дастур доирасида режалаштирилган чора-тадбирларни амалга ошириш учун, 2017-2021 йилларда
Ўзбекистон Республикасида жисмоний тарбия ва оммавий спортни янада ривожлантириш мақсадида
жами 995,2 миллиард сўмдан зиёд маблағ сарфланиши назарда тутилган бўлиб, шундан 706,2 миллиард
сўмдан ортиқ қисми ушбу йилларда жами 167 та спорт иншооти, жумладан, 90 та спорт мажмуаси ва
77 та сузиш ҳавзасини қуриш, реконструкция қилиш ва капитал таъмирлаш ҳамда жиҳозлаш ва қайта
жиҳозлашга йўналтирилади.
Қарор ва дастур доирасида белгиланган чора-тадбирларнинг амалга оширилиши жисмоний
тарбия ва оммавий спортнинг жамиятимиз ҳаётидаги ролини янада кучайтириш, аҳолининг барча
қатламлари орасида соғлом турмуш тарзини шакллантириш, ёшларга ўз қобилият ва истеъдодларини
рўёбга чиқаришлари учун барча шарт-шароитларни яратиш орқали уларни оммавий тарзда спортга,
соғлом турмуш тарзига ошно қилиш, қолаверса, нуфузли халқаро майдонларда Ватанимиз байроғини
баланд кўтариб келаётган машҳур спортчиларимиз сафларини тобора кенгайтиришга хизмат қилади.
СОҒЛОМ ОНА ВА БОЛА - МАМЛАКАТИМИЗ ТАЯНЧИ
Файзиев Я.З., ўқитувчи, Сайфуллаева К.А., талаба
Бухоро давлат университети, Бухоро ш.
Мамлакатимизда аҳоли, айниқса, оналар ва болалар саломатлигини мустаҳкамлаш давлат сиёсати
даражасига кўтарилиб, оилаларда ва жамиятда соғлом турмуш тарзини кенг қарор топтириш, навқирон
авлоднинг баркамол бўлиб вояга етиши учун қулай шарт-шароит яратиш чора-тадбирлари изчил ҳамда
босқичам-босқич амалга оширилаяпти. “Соғлом она ва бола йили” Давлат дастурида бу борада хам
устувор вазифалар белгиланган бўлиб, оила институтини мустаҳкамлаш, хотин-қизлар манфаатларини
таъминлаш, оналик ва болаликни муҳофаза қилиш тизимини такомиллаштириш баробарида соғлом
авлодни шакллантиришда таълим тизимининг ролини кучайтириш, мактабгача таълим муассасалари
тармоғини янада кенгайтириш, бошланғич таълим самарадорлигини юкори пагонага кутариш эвазига
жажжи ўғил-қизларнинг мактабга тайёрлаш даражасини юксалтириш масалаларига алоҳида эътибор
қаратилган. Юртимизда ёшларга оид давлат сиёсатининг хаётга тадбик этилиши юзасидан мустаҳкам
ҳуқуқий баъзаси яратилган.
Хусусан, “Ўзбекистон Республикасида ёшларга оид давлат сиёсатининг асослари тўғрисида”ги,
“Таълим тўғрисида”ги, “Фуқаролар соғлиғини сақлаш тўғрисида”ги ва бошқа қатор қонунлар юксак
маънавиятли, мустақил фикрловчи, қатъий ҳаётий позиция, кенг дунёқараш ҳамда замонавий
билимларга эга бўлган ватанпарвар йигит-қизларни тарбиялаш, уларнинг тиббий ва ҳуқуқий
маданиятини юксалтириш, ҳар бир инсоннинг соғлом турмуш тарзини чуқур англаган ҳолда ҳаёт
кечиришини таъминлашга хизмат қилмоқда. Шу билан бирга хотин-қизлар саломатлигини асраш,
фуқароларнинг санитария ва гигиена қоидаларига риоя қилишларига оид кўникмаларини
мустаҳкамлаш, ёш она ва болаларга тегишли тарзда гамхурлик курсатиш борасидаги ишларни
кучайтиришга қаратилган чора-тадбирлар амалиётга изчил йўналтирилмоқда. Ёшлар ўртасида
жисмоний тарбия ва спортни кенг оммалаштириш, айниқса, қишлоқ жойларда қизларнинг спорт билан
мунтазам шуғулланиши учун барча имкониятни яратиш, юқори малакали аёл мураббийлар тайёрлаш,
янги спорт объектларини қуриш, мавжудларининг моддий-техника базасини мустахкамлаш, замонавий
спорт анжомлари ва ускуналари билан жиҳозлаш ҳам асосий вазифалар сирасидандир.
Шу уринда яна бир мухим жихатни таъкидлаш жоиз. Соғлиқни сақлаш вазирлиги томонидан
мустақиллигимизнинг йигирма беш йиллиги олдидан “Соғлом она ва бола йили” Давлат дастури
ижросини таъминлаш мақсадида республикамиз бўйлаб ўтказилаётган “Ҳеч ким меҳр ва эътибордан
четда қолмасин” шиори остидаги саломатлик ҳафтаклари ҳам ана шу эзгу мақсадларга қаратилгани
билан каттаю кичикка чексиз фахр ҳамда қувонч улашаяпти. Бу чин эътирофга лойик хакикатдир.
Ахир, халқимиз азал-азалдан фарзандларининг жисмоний ва маънавий жиҳатдан соғлом бўлиб,
жамиятда муносиб ўрин эгаллашини олий мақсад, деб билиши ,бу орзулар мустакиллик туфайли
руёбга чикаётгани хеч кимга сир эмас.-ку? Мамлакатимиз истиқлолга эришгач, ана шу эзгу ният том
маънода ижобатини топди. Зеро, Президентимизнинг “Соғлом ва баркамол авлодни тарбиялаш –
келажаги буюк давлат пойдеворини қуриш, дунёда ўзимизга юксак обрў эгаллаш демакдир”, дея айтган
фикри дастуриламалга айланиб, шу асосда ҳаётга тадбиқ этилаётган изчил саъй-ҳаракатлар юксак
самараларини кўрсатмоқда. Айни шу максадда йилларга муайян ном берилиши муносабати билан
қабул қилинаётган давлат дастурларида ҳам эртамиз эгаларининг манфаатлари алоҳида эътиборга
олинаяпти.
Давлат дастурида белгиланганига асосланиб, ёшларнинг эрта турмушга чиқишнинг олдини
олишга қаратилган бир қатор чора-тадбирлар ишлаб чиқилган. Дастур ижроси юзасидан вилоятимизда
Do'stlaringiz bilan baham: |
