Юлдашeв А. Сирожиддинов И. Хусаинов М

Товар маркаси - компанияларни, ишлаб чиқарилаётган маҳсулотларни 
ёки хизматларни идентификация қилиш учун хизмат қиладиган ва ундан 
фойдаланиш мутлақ ҳуқуқини мустаҳкамлаш мақсадида рўйхатдан 
ўтказилган тимсол ёки ном. Товар маркаларини рўйхатдан ўтказиш эгалик 
қилишни асослаш учун амалга оширилади, рўйхатдан ўтгандан сўнг 
янгиланиши мумкин. 
Товар белгиси - бир юридик ва жисмоний шахслар товарлари ва 
хизматларини бошқа юридик ва жисмоний шахсларни шу турдаги 
товарларидан фарқлаш учун хизмат қиладиган, белгиланган тартибда 
рўйхатдн ўтказилган белги. Товар белгисига бўлган ҳуқуқ эгаси ўзига 
тегишли белгидан фойдаланишда ва уни тасарруф этишда мутлақ ҳуқуққа, 
шуниндек товар белгисига ўзгартиришлар ва қўшимчалар киритишдан 
иборат мутлақ ҳуқуққа эга. Тасвирлар, сўзлар, муайян шакл тарзидаги 
белгилар ва бошқа белгилар ёки уларнинг исталган бир рангидаги ёки турли 
рангдаги жамлама ифодаси товар белгилари сифатида рўйхатдан ўтказилиши 
мумкин. 
Саноат намуналарига ҳуқуқ - буюмнинг ташқи кўринишини 
ифодалайдиган бадиий-конструкторлик ечимлардан (дизайн) фойдаланишга 
алоҳида имтиезлар. 
Дастурий таъминот - электрон ҳисоблаш машиналари (ЭҲМ) учун 
дастурлар ва маълумотлар базалари. ЭҲМ учун яратилган дастур - муайян 
натижа олиш мақсадида ЭҲМ, ЭҲМ тармоклари ва бошқа компьютер 
воситаларининг ишлаши учун мўлжалланган маълумотлар ва кўрсатмалар 
мажмуи. Маълумотлар базаси - объектив шаклда ифодаланган ҳамда ЭҲМ 
ёрдамида топиш ва ишлов бериш мумкин бўладиган тарзда бир тизимга 
солинган маълумотлар (масалан: мақолалар, ҳисоб-китоблар) мажмуи. 
Ер участкаларидан фойдаланиш ҳуқуқи. Ер хусусий мулк бўлмаган 
шароитларда бу ҳуқуқни пулда ифодалашда муайян қийинчиликлар келиб 
чиқади. Кўпинча ер участкаларидан фойдаланиш ҳуқуқи иштирокчиларнинг 

---

137 
корхона устав капиталида улуш қийматининг бир қисми булиши мумкин. 
Ушбу ҳуқуқлар қиймати корхона ташкил қилинаетган ернинг баҳосига 
боғлиқ ва тарафларнинг келишуви билан белгиланади.