Юлдашeв А. Сирожиддинов И. Хусаинов М

1.6. Молиявий менежмент концепцияси
2
 
Молиявий менежмент концепцияси қуйидаги ўзаро боғлиқ бўлган 
асосий концепцияларга асосланади: 
1. Пул оқимлари концепцияси. 
2. Пул ресурсларининг вақтинча қийматлилик концепцияси. 
3.Таваккалчилик ва даромад (фойда) ўртасида муросасозлик 
концепцияси. 
4.Капитал баҳоси концепцияси. 
5. Капитал бозорининг самаралилик концепцияси. 
6. Ахборотнинг ҳар хиллилиги концепцияси. 
7. Агентлик алоқалари концепцияси. 
8. Харажатларнинг муқобиллилик концепцияси. 
1. Пул оқимлари концепцияси қуйидагиларни назарда тутади: 
- пул оқимларининг идентификацияси, унинг давомийлиги ва турлари 
(қисқа муддатли, узоқ муддатли, фоизли ва фоизсиз); 
- пул оқимлари элементлари ҳажмини белгиловчи факторларнинг 
бахолаш; 
- вақтнинг турли лаҳзаларида кучаювчи пул оқими элементларини 
таққослашга имкон берувчи дисконтлаш коэффициентларни танлаш; 
2
Қаранг: Петросян Н. Э., Аверин А. Ю., Финансовый менеджмент. Под ред. Борисовой В.Д. – Пенза: 
ПГПУ им. В. Г. Белинского, 2008. -128с. 

---

23 
- мазкур оқимга тааллуқли бўлган таваккалчилик ҳамда уларни ҳисобга 
олиш усулларини баҳолаш. 
2. Пул ресурсларининг вақтинча қийматлилик концепцияси. 
Вақтинча қийматлилик – пул ресурсларининг муомаладаги объектив 
тавсифи. 
У қуйидаги 3 та сабабга асосланади: 
а) инфляцияга; 
б) кутилаётган даромад (фойда)нинг тўлиқ ёки қисман ололмаслик 
рискига; 
в) айланувчанликка. 
3. Таваккалчилик ва даромад (фойда) ўртасида муросасозлик 
концепцияси. Бу тамойилнинг маъноси: бизнесда ҳар доим, узлуксиз 
равишда ҳар қандай фойдани олиш - катта риск билан боғлиқ ва улар 
ўртасидаги ўзаро боғлиқлик тўғри пропорционалдир. Шу билан бирга, 
фойдани максималлашуви - рискни минималлашуви билан боғлиқ лаҳзалар 
ҳам бўлиши мумкин.