Махсус таълим вазирлиги мирзо улуғбек номидаги

ДНК нинг репликацияси 
қуйидаги молекуляр генетик жараёнлар 
орқали амалга ошади: 
1)
 
Қурилиш блоки – нуклеотидларнинг синтезланиши. Янги
 
ДНК 
молекулаларининг синтезланиши учун зарур қурилиш блоки функциясини 
ҳужайрада синтезланиб йиғилган дезоксирибонуклеозид трифосфатлар 
бажаради. Уларни ихчамроқ қилиб d-нуклеозидтрифосфат тарзида аталиб, 
dNP белгиси билан ифодаланади. Бундаги лотинча d - ҳарфи дезокси-
рибозани, N - ҳарфи нуклеозид ва ниҳоят P - ҳарфи фосфатни билдиради. 
Нуклеотид деб аталган бу модданинг синтезланиши қуйидаги жараёнлар 
орқали амалга ошади:
 
а) d-нуклеозид (dN) нинг синтезланиши азотли асослар (А, Т, Г ва Ц) 
нинг биттаси дезоксирибоза билан бирикиши натижасида амалга ошади 
(илова-72.1,2-расм). Бу синтез битта молекула сув ажратиш орқали кечади. 
б) d-нуклеозид ўз навбатида энергия манбаи бўлмиш АТФ – 
аденозин трифосфор кислотаси билан қўшилиб d-нуклеозидтрифосфатни 
ҳосил қилади. Бу жараён ҳам конденсация орқали амалга ошади. Шундай 
ҳолатда dNP яъни нуклеотидлар ДНК репликациясининг қурилиш блоки 
функциясини бажаришга тайёр бўлади. 
2) Қўш спирал ҳолатда буралган ДНК молекуласи буралишини 
ёзилган ҳолатга келтириш ва уни 
денатурация
қилиш орқали иккита 

---

297 
полинуклеотид занжирига ажратиш репликация намоён бўлишининг 
иккинчи босқичидир. Бунда хеликаза ферменти ёрдамида ДНК нинг 
иккита полинуклеотид занжиридаги нуклеотидларни боғлаб турган 
водород боғлари олиб ташланади. Оқибатда ДНК иккита айрим-айрим 
полинуклеотид занжирига бир четдан ажрала бошлайди. Икки 
полинуклеотид занжирларининг ҳар қайси бирининг ёнида унга параллел 
комплементар ҳолатда иккита янги полинуклеотид занжирлари 
синтезланади. ДНК нинг бундай ҳолатдаги репликациясини ярим 
консерватив усул деб аталади (73-расм).