Махсус таълим вазирлиги мирзо улуғбек номидаги

ренатурация
деб аталади. Ренатурация орқали аденинли 
нуклеотид тиминли нуклеотид билан иккита водород боғлари орқали, 
гуанинли нуклеотид цитозинли нуклеотид билан учта водород боғлари 
орқали уланади. Оқибатда битта қўш полинуклеотид спиралга эга бўлган 
бошланғич ДНК дан иккита янги қўш спиралли ДНК молекулалари ҳосил 
бўлади. Уларнинг ҳар иккаласидаги полинуклеотид занжирларининг 
биттаси бошланғич ДНК дан ўтган, иккинчиси янги синтезланган бўлади. 
ДНК репликациясининг юқорида баён этилган асосий принциплари 
прокариот ва эукариот организмларда ўхшаш кечади. Лекин молекуляр 
биологияда олинган охирги далиллар улар ДНК си репликациясида баъзи 
тафовутлар мавжуд эканлигини кўрсатди. Шунинг учун биз улардаги 
репликацияни алоҳида, тафовутларини таъкидлаган ҳолда баён этамиз. 
Прокариот организмлар – бактериялар ва ДНК га эга вирусларда 
эукариотлардан фарқли ўлароқ шаклланган хромосома бўлмайди, унинг 
ўрнига ҳалқасимон кўринишга эга бўлган эркин ҳолдаги ДНК молекуласи 
мавжуд. Бундан ташқари прокариотларнинг ДНК сида репликация нуқтаси 
фақат битта бўлади. Бинобарин, репликация ҳалқасимон ДНК нинг фақат 
бир жойидан бошланиб юқорида қайд этилган учта жараён орқали битта 
бошланғич ҳалқасимон ДНК дан иккита янги ҳалкасимон ДНК 
синтезланиши билан тугалланади. Улар янги ҳосил бўлган иккита 
ҳужайрага биттадан бўлиб ўтади. Шуни алоҳида таъкидлаш зарурки, ДНК 
репликациясининг молекуляр механизми дастлаб микроорганизмларда 

---

299 
74-расм. 
ДНК молекуласи репликациясининг янги далиллар асосида 
тузилган молекуляр механизми схемаси. 
 
 
 
75.1-расм. 
Хромосома структурасининг молекуляр схемаси.

---

300 
кашф этилган эди. 1956 йилда америкалик олим А.Корнберг 
E.coli
бактерияси иштирокида қуйидагича тажриба ўтказди. 
E.coli
тоза ҳолда 
ДНК полимераза ферментини, дезоксирибонуклеозидтрифосфатни (dN-
трифосфатни) ҳамда андоза учун унинг ҳалқасимон ДНК сини ажратиб 
олиб уларни зарур шароитлар сунъий яратилган идишда аралаштириб 
кузатилди. Оқибатда лаборатория шароитида ДНК репликацияси содир 
бўлишини намойиш қилди. Эукариот организмлар репликациясини 
ўрганиш соҳасидаги тадқиқотларнинг ривожланишида А.Корнбергнинг 
1967 йилдаги кашфиётининг натижалари катта аҳамиятга эга бўлди. ДНК 
молекуласида мавжуд бўлмиш иккита полинуклеотид занжирлари 
антипараллел равишда бўлади. Нуклеотидлар уларнинг биттасида 5
1
→3
1
йўналишида, иккинчисида эса 3
1
→5
1
йўналишида жойлашган бўлади. 
Бошқача қилиб айтганда улардаги 5
1
→3
1
бир – бирига қарама-қарши 
жойлашган бўлади. Шунинг учун ҳам уларда янги полинуклеотид 
занжирлари синтезланишининг бошланиш нуқтаси ва йўналиши қарама-
қарши бўлади. ДНК нинг йўналиши 5
1
→3
1
бўлган полинуклеотид занжири 
ёнида янги занжирнинг синтезланиши узлуксиз, яхлит ҳолда кечади. Чунки 
ДНК полимераза ДНК нинг фақат битта 5
1
→3
1
йўналишидаги 
полинуклеотид занжиринигина узлуксиз синтезлайди. 
Репликация натижасида синтезланган биринчи қўш спиралли янги 
ДНК шу тарзда синтезланади. ДНК нинг 3
1
→5
1
йўналишга эга бўлган 
иккинчи янги полинуклеотид занжирининг синтезланиши эса: а) тескари 
йўналишда бўлади; б) репликациянинг бошланиш нуқталари кўп бўлади; 
в) бу йўналишдаги полинуклеотид занжирининг синтези учун олдин унинг 
айрим қисмларини синтезлаб олинади. Бу қисмларни Оказака 
фрагментлари деб аталади. Бу жараён ДНК-полимераза III ферменти 
иштирокида амалга ошади. Ушбу полинуклеотид занжири синтезининг 
кейинги босқичида Оказака фрагментлар ДНК-лигаза ферменти ёрдамида 
бир-бирига кетма-кет муайян тартибда улана борилади. Оқибатда иккинчи 
янги полинуклеотид занжири синтезланади. У иккинчи бошланғич 
полинуклеотид занжири билан водород боғлари орқали уланиб иккинчи 
янги қўш спиралли ДНК ни ҳосил қилади. ДНК нинг репликацияси 
ҳужайра бўлиниши митотик циклининг ДНК синтези фазасида амалга 
ошади.