Махсус таълим вазирлиги мирзо улуғбек номидаги

73-расм.
ДНК репликациясининг ярим консерватив механизмининг схемаси 
1–бошланғич ДНК молекуласининг бир қисми; 2–икки занжирнинг азотли 
асослари ўртасидаги водород боғининг узилиши; 3–ҳужайра цитоплазмасидаги 
нуклеотидлардан комплементар занжирнинг ҳосил бўлиши (расмда қора 
рангда); 4–иккита қиз ДНК молекулалари; ҳарфлар билан азотли асослар 
белгиланган; А–аденин, Т–тимин, Г–гуанин, Ц–цитозин. 
Шундай қилиб, она ДНК нинг ҳар иккала полинуклеотид занжири 
репликация учун 
андозалик
(матрицалик) функциясини бажаради. 
3) Янги полинуклеотид занжирларининг синтезланиши ДНК – 
полимераза I, ДНК- полимераза II ва ДНК- полимераза III ферментлари 
иштирокида амалга ошади. Юқорида қайд этилганидек ДНК репликацияси 
жараёнида янги полинуклеотид занжирларнинг синтезланиши учун 
қурилиш блоки функциясини dN трифосфат - нуклеотидлар бажаради. 
Уларнинг синтезланаётган полинуклеотид занжирига жойлаштирилиши 
қуйидаги учта жараён орқали амалга ошади (74-расм): 
1) Янги полинуклеотид занжирига уланишдан олдин улардан 
дифосфат нуклеаза фермент ёрдамида кесиб ташланади. Оқибатда dN 
трифосфат dN монофосфатга айланади. Уларни одатда ихчам ва қулай 
бўлган атама мононуклеотид ёки кўпроқ нуклеотид деб юритилади. 

---

298 
Трифосфатнинг монофосфатга парчаланиши натижасида ажралиб чиққан 
энергия ҳисобига репликация жараёни намоён бўлади. 
2) Шундай қилиб, тайёр нуклеотидлар уч хил кимёвий модда – 
азотли асос, дезоксирибоза ва монофосфатлардан ташкил топган бўлади. 
Таркибида қайси азотли асос мавжудлигига қараб улар 4 хил яъни 
аденинли – А (A), гуанинли - Г (G), тиминли – Т (T) ва цитозинли Ц (C) 
нуклеотидлар шаклида бўладилар. Улар ДНК нинг синтезланаётган 
полинуклеотид занжирига муайян тартибда, кетма-кет эски занжирдаги 
нуклеотидларга комплементар ҳолатда ДНК полимераза ферментлари 
ёрдамида уланади. Уланаётган иккита нуклеотид оралиғида бири – бири 
билан конденсация жараёни орқали мураккаб эфир боғи ҳосил бўлади. 
Бунинг натижасида битта нуклеотиднинг фосфати билан иккинчи 
нуклеотиднинг дезоксирибозасини боғлаб турувчи фосфодиэфир кўприги 
ҳосил бўлади. Ушбу кўприк битта нуклеотид дезоксирибозасининг 3 
углерод атомини иккинчи нуклеотиддаги 5 углерод атоми билан кислород 
орқали уланади. Баён этилган жараён орқали синтезланаётган 
полинуклеотид занжирига навбатдаги нуклеотид уланади. 
3) ДНК молекуласининг синтезланишида кечадиган сўнгги жараён 
унинг эски ва янги синтезланаётган нуклеотид занжирларида жойлашган 
нуклеотидларни бир-бири билан водород боғлари орқали улашдан иборат. 
Бу жараён