Махсус таълим вазирлиги мирзо улуғбек номидаги

X.1.1. ДНК молекуласининг структураси ва функцияси 
 
ДНК молекуласининг структурасини аниқлаш ва унинг молекуляр 
моделини 1953 йилда америкалик биолог олим Дж.Уотсон ва инглиз физик 
олими Ф.Криклар М.Уилкинзнинг ДНК нинг рентген структуравий таҳлил 
далилларига таяниб кашф этдилар (илова – 69-расм). Уларнинг уччаласи 
ҳам 1962 йилда Нобел мукофотига сазовор бўлдилар. Молекуляр генетика 
далилларига биноан ДНК молекуласининг тузилишини қуйидагича 
тасвирлаш мумкин: 
1) ДНК молекуласи полинуклеотид биополимер бўлиб унинг 
таркибида 4 хил нуклеотидлар мавжуд. Ҳар қайси нуклеотид 3 хил 
кимёвий бирикмадан ташкил топган бўлади: углевод-моносахарид-пенто-
залар жумласига кирувчи а) дезоксирибоза; б) фосфор кислотаси; в) азотли 
асос. Азотли асослар 4 хил бўлади. Уларнинг иккитаси пурин асосларига 
киради: аденин-А(A), гуанин-Г(G), қолган иккитаси пиримидин 
асосларидан ҳисобланади: тимин-Т(T), цитозин-Ц(C). Таркибига ушбу 
азотли асослар кирган нуклеотидлар шу модда номи билан аталади, яъни 
аденин нуклеотиди, гуанин нуклеотиди, тимин нуклеотиди ва цитозин 
нуклеотиди тариқасида номланади. Қайд этилган нуклеотидлар муайян 
сонда ва муайян тартибда кетма-кет бир чизиқ бўйлаб ўзаро туташиб 
айрим полинуклеотид занжирларини ҳосил қиладилар (70, 71-расмлар). 
2) ДНК молекуласи спиралсимон ўралган иккита полинуклеотид 
занжиридан иборат биополимердир. 
3) ДНК даги бу иккита полинуклеотид занжиридаги нуклеотидлар 
бир-бири билан водород боғлари орқали туташиши комплементарлик 
қоидасига биноан амалга ошади. Бунда аденин нуклеотиди (А) тимин 
нуклеотиди (Т) билан, гуанин нуклеотиди (Г) цитозин нуклеотиди (Ц) 
билан туташади. ДНК молекуласининг диаметри 20 ангстрем, А ва Т ли 
нуклеотидлар узунлиги 12 ангстрем ва ниҳоят Г ва Ц ли нуклеотидларники 
эса 8 ангстремга тенглиги аниқланди. Демак А билан Т ҳамда Г билан Ц 

---

293 
нуклеотидларнинг жамланган узунлиги 20 ангстрем бўлишлиги 
исботланди.