Davlat tilida ish yuritish

 
 
 
7– MAVZU: DIALOGIK NUTQ SHAKLLARI  VA UNDA 
MUNOSABATNING IFODALANISHI 
.   
REJA
: 
1.
 
Nutqiy faoliyat shakli va ko‘rinishlari haqida ma’lumot. 
2.
 
Diаlogik vaziyat bilan nutq motiv(mavzu, maqsad, sabab)i o‘rtasidagi 
bog’lanish.  
3.
 
Diаlogik nutq shakllarining farqlari. 
4.  Diаlogik nutqda turli munosabatlarni ifodalash yo‘llari. 
 
 
Tayanch  so‘z  va  iboralar:
  Nutqiy  faoliyat,  nutq  shakli,  og’zaki  va  yozma 
shakl, dialogik vaziyat, nutq motivi, dialogik nutq, monologik nutq, polilog. 
 
Nutqiy faoliyat inson faoliyatining asosiy qismi bo‘lib, nutqiy jarayonda uning 
bir necha turlaridan foydalanamiz. Odamning nutqiy faoliyati nutqning kimlarga, 
qay  tarzda  bayon  etilishi  va  suhbat  ishtirokchilarining  soniga  ko‘ra  turlarga 
bo‘linadi. Bular quyidagilardir: 
1.
 
Monologik nutq. (Bir kishilik nutq). 
2.
 
Dialogik nutq. (Ikki kishlik nutq). 
3.
 
Polilogik nutq. (Ko‘pchilik nutqi). 
Monologik  nutqdan  foydalanish  jarayoni  haqida  keyingi  mavzulardan 
birida kengroq to‘xtalamiz. Polilogik nutqda uch va undan ortiq kishi qatnashadi. 
Lekin  u  nisbatan  kamroq  uchraydi.  Aksariyat  darsliklarda  o‘quvchini 

---

 
28 
chalg’itmaslik uchun polilogok nutqni dialogning tarkibida o‘rganishadi. Aslida, u 
ham nutq faoliyatining mustaqil shakli bo‘lib, so‘zlashuv va badiiy uslubda ko‘p 
ishlatiladi.  Masalan,  O‘lmas  Umarbekovning  “Qiyomat  qarz”  asarining  birinchi 
ko‘rinishida polilogik nutqdan foydalanilgan.   
Nutqiy  faoliyatning  yuqoridagi  turlari  orasida  nutqiy  jarayonda  ko‘p 
qo‘llaniladigani  dialogik  nutq  bo‘lib,  u  ikki  kishining  o‘zaro  suhbatidan  tashkil 
topadi.  Dialog  so‘zi    yunoncha  so‘z  bo‘lib,  “dia”–ikki,  “logos”–  suhbat  degan 
ma’noni bildiradi. Demak, ikki kishining o‘zaro sunbati dialog deyiladi. Kundalik 
hayotimizda nutqiy faoliyatnng bu turidan turli vaziyatlarda foydalanamiz. Badiiy 
adabiyotda ham dialoglardan ko‘p foydalaniladi. Masalan. A.Navoiyning “Farhod 
va  Shirin”  dostonida  Farhod  va  Xisrav  o‘rtasidagi  dialogda  Farhodning  o‘z 
maqsadi  yo‘lida  o‘limdan  ham  qaytmaydigan,  sadoqatli,  komil  inson  ekanligi, 
Xisravning  esa  razil,  pastkash    kishiligi  ochib  beriladi.  Shu  dostonning  boshqa 
qismida Farhod va Shirin o‘rtasidagi muloqot, “O‘tkan kunlar” romanida  Otabek 
bilan  Kumushning,  “Mehrobdan  chayon”  asarining  bosh  qahramonlari  Anvar 
bilan Ra’noning suhbati dialogning badiiy adabiyotdagi eng go‘zal namunalaridan 
hisoblanadi.  
Taniqli olim Yo‘ldosh Solijonov o‘zining  “Nutq na nslub” asarida o‘zbek 
adabiyotida ko‘p qo‘llanayotgan dialoglarni quyidagi   shakllarga bo‘ladi: 
1.
 
Tavsifiy dialoglar. 
2.
 
Dramatik dialoglar. 
3.
 
Lirik dialoglar. 
Tavsifiy  dialogda  so‘zlovchi  biror  shaxs,  joy,  bo‘lib  o‘tgan  voqea-hodisaga 
ta’rif-tavsif  beradi.  Dramatik  dialog  esa  dramatik  holatni  rivojlantiruvchi  asosiy 
vositalardan bo‘lib, dramatik asarlarda keng ishlatiladi. Masalan, “Qiyomat qarz”  
dramatik asarida Sulaymon ota va Zebi xola(ikkinchi ko‘rinishda), Sulaymon ota 
va    yo‘lovchi  yigitlar  bilan  suhbati  dramatik  dialogga  yorqin  misol  bo‘ladi. 
Shuningdek,  “Navoiy”  dramasida  Navoiy  bilan  Majiddin.  “Ulug’bek  xazinasi” 
romanidagi Mirzo Ulug’bek bilan Abdulatifning suhbatini ham keltirish mumkin.    
Lirik  dialogda  suhbatdoshlarning  ichki  kechinmasi,  his-tuyg’isi,  maslagi, 
fikri,  mulohazasi  lirik  shaklda  beriladi.  Lirik  dialogga  biz  yuqorida  keltirgan 
Farhod va Xisravning suhbati yorqin misol bo‘la oladi.    
Shining  bilan  birga    dialogni  tip(so`zlovchi)larning  faolligiga  ko‘ra  ham 
quyidagi uch turga bo‘lish mumkin: 
1.
 
Jonli dialoglar. 
2.
 
Xayoliy dialoglar. 
3.
 
Ichki dialoglar.  
Jonli  dialog  turi  asar  qahramonlarining  bir-biri  bilan  yuzma-yuz  turib 
muloqot olib borish jarayonidir. 
  
Xayoliy  dialog  bilan  ichki  dialog  birdek  tuyiladi.  Ammo  boshqa-boshqa 
jarayonlardir.  Xayoliy  dialog  qahramonlar  o‘rtasida  qachonlardir  bo‘lib  o‘tgan 
jonli  dialogning  keyinroq  aynan  unda  qatnashganlardan  yoki  eshitganlardan 
birining  tasavvurida  qaytadan  tiklanishidir.  Ichki  dialog  esa  asar  qahramonining 
o‘z  –  o‘zi  yoki  biror  hamsuhbati(ehtimol  sevgilisi  yoki  raqibi)  bilan  g’oyibona 
fikrlashuvi, tortishuvi asosiga quriladi. 

---

 
29 
Dialogik nutq kishining kim bilandir muloqotga kirishish ehtiyojidan kelib 
chiqadi.  Dialogik  vaziyatni  hosil  qilish  uchun  nutqiy  motiv,  ya’ni  suhbatning 
asosiy  mazmuni,  g’oyasi  yoki  maqsadi    bo‘lishi  lozim.  Agar  motiv  bo‘lmasa, 
dialog  ham  hosil  bo‘lmaydi.  Motiv  dialogning  shakli,  ko‘rinisni,  mazmuni  va 
unda foydalanish mumkin bo‘lgan til birliklarini belgilab beradi. Masalan, shogird 
ustozidan  o‘zi  tushunmagan  amaliy  ko‘nikmani  so‘ramoqchi.  (Ana  shu  so‘rash 
ehtiyoji  dualogning  motivi  hisoblanadi.)  Bu  jarayonda  shogird  o‘zini  anchayin 
bosiq  tutadi,  so‘roq  gapdan  foydalanadi,  ustozining  har  bir  so‘zini  diqqat  bilan 
eshitadi.  Ustoz  esa  shoshmasdan  gapiradi,  iloji  boricha  sodda  gaplardan 
foydalanadi, darak gaplarni ishlatadi, grammatik shakl va adabiy til me’yorlariga 
amal qiladi.       
Fikrimiz isboti uchun quyidagi misolni olib ko‘ramiz: 
Shogird  ustozining  oldiga  ohista    yaqinlashdi.  Bu  paytda  Mavlono  Fazliy 
mutolaa bilan band edi.  
– Xo‘sh – dedi kitobdan boshini ko‘tarib. 
–Aytingchi,  ustoz,–dedi  bola.–  Qanday  qilib  tib  ilmida  insonlarni  yorish 
mumkin?  Axir  jonzodlarga,  jumladan  insonga  ozor  berish  gunohi  azim 
degandingiz. 
–Ha, to‘g’ri,  Olloh taolo yaratgan jamiki jonzodlarga, jumladan insonlarga 
xoh  tildan,  xoh  amaldan  bo‘lsin  ozor  berish  gunohi  azim  hisoblanadi.  Lekin, 
bemorning dardini yengillashtirish, hayotini saqlab qolish maqsadida a’zosiga tig’ 
tekkizib  davolash  joizdir.  Bu  ishni  dastlab  shayx  ur-rais  Ibn  Sino  hazratlari 
boshlab berishgan. Bugun ham turli shifoxonalarda bemorlarning hayotini saqlab 
qolish  va  dardlariga  shifo  berish  uchun  ularning  biror  yerlarini  tig’  bilan 
yorilmoqda. 
–  Marg’inon  jangida  oyog’iga  dushman  o‘qi  tekkan  jangchini  shuning 
uchun  yorishganmi?–so‘radi shogird. 
– Uni sen ham ko‘rganmiding? – ustoz ajablandi. 
–Ha,  uning  baqirganidan  cho‘chib  nima  bo‘ldiykan,  deb  chodirdan 
boshimni chiqargan edim, – tushuntirdi bola. 
– Bechora o‘shanda ko‘p azob tortgandi, lekin tuzaldi. 
– Uztoz u kim?–qiziqsinib so‘radi. 
– Mana shu o‘zimizning jiyanimiz Tohirda. 
–Tohir  akamidi?–bolaning  zavqi  keldi.–Qoyil,  men  bo‘lsam  jarrohlikdan 
qo‘rqib yuribman. 
– Odamlarga yaxshilik qilishdan qo‘rqilmaydi, bolam.      
Ushbu  dialogda  so‘roq  olmoshlaridan,  sodda  gaplardan,  hissiy-ekspressiv 
so‘zlar  (Tohir  akamidi?  Qoyil,  bolam  )dan  foydalanilgan.    U  savol-javob  va 
mulohaza tarzida  bo‘lib o‘tgan. Unda ustozning shogirdiga iliq munosabati, ikki 
o‘rtadagi o‘zaro hurmat sezilib turadi. Demak, diаlogik nutqning shakllari suhbat 
jarayonida yuzaga keladi. 
Diаlogik nutq shakllari tushunchasining o‘ziga biroz izoh berish kerak. Chunki 
uning  boshqa  nutq  shakllaridan  farqi  bor.  Bu  shakllar  faqat  dialog  doirasidagina 
yuzaga  keladi.  Bu  uning  mazmuni  bilan  bog’liq.  Demak,  nutqiy  motiv  dialog 

---

 
30 
shakllini ham belgilab beradigan mezondir. Dialoglar suhbat mazmuniga ko‘ra bir 
necha shakllarda bo‘lishi mumkin. Ulardan quyidagilari  ko‘p ishlatiladi: 
1.
 
Savol-javob shakli. 
2.
 
Istak-munosabat shakli. 
3.
 
Bildirish shakli. 
4.
 
Buyruq – tobe shakli 
5.
 
Fikr-mulohaza shakli 
6.
 
Tasdiq- inkor shakli 
7.
 
Aralash shakl   
  
Bu shakllarni farqlash bir muncha qiyin bo‘lib, ular  aksariyat holda aralash 
kelishi  mumkin.  Lekin  sof  holda  ham  ishlatiladi.  Sud-tergov  jarayonlarida, 
adashgan  holatlarda  albatta  savol-javob  shaklidan  foydalaniladi.  Misol  uchun, 
shifokor bilan bemorning muloqotini ko‘rib chiqish mumkin:      
Bemor shifokor huzuriga keldi. 
– Numadan shikoyatingiz bor? 
– Tuni bilan uxlolmay chiqdim, dam istimam chiqadi, dam bezgak tutadi. 
– Oldinroq boshqa kasal bilan og’rimaganmisiz? 
– Biroz shamollashim bor edi. 
– Qanday muolaja choralarini ko‘rgandingiz? 
– Antibiotiklar ichgandim. 
– Oilangizda boshqa biror kishi grippga chalinganmidi?  
– Ha, akam og’rigandi. 
– Tushunarli, Sizga ba’zi dorilar yozib beraman, shularni qabul qilishingiz 
losim bo‘ladi.  
Yuqoridagi    dialog  asosan  savol-javob  shaklida  bo‘lib,  u  qisqa  davom  etgan. 
Dialogning  fikr-mulohaza  shaklida  tomonlar  ko‘proq  gapiradi  hamda  sunbat  
uzog’roq  davom  etadi.  Masalan,  san’atkor,  olim,  shoir,  yozuvchi  kabi  mashhur  
kishilarning suhbatlari yoki uzoq vaqt ko‘rishmagan kishilar bir-birlari bilan uzoq 
gaplashishlari  mumkin.  Bunda  fikr-mulohaza  shaklidan  foydalaniladi.  To‘g’qi 
bunday hollarda aralash shaklni qo‘llash  ham uchraydi.  
 Dialogik nutq shakllarining ko‘pligi va qo‘llanishi unda munosabat ifodalash 
usullariga  ham  bog’liq.  Turli  munosabatni  ifodalash  nutq  jarayoni  borishini 
boshqaradi  va  o‘z-o‘zidan  undagi  shakl  ham,  til  birliklari  ham,  ohang  ham 
o‘zgaradi. Masalan, buyruq-istak shaklidagi suhbatda rahbar va xodim o‘rtasidagi  
munosabat  ifodalansa,  shu  shaklni  boshqa  munosabatga  joriy  etib  bo‘lmaydi. 
Chunki, bu yerda munosabat  rahbar va xodim o‘rtasidagi  emas, balki ikki do‘st  
yoki  mehmon  bilan  mezmon  o‘rtasida  bo‘lishi  mumkin.  Bunda  esa  til  birliklari, 
muloqot shakli kabi elementlar ham o‘zgaradi. 
Xullas,  dialogik  nutq  jarayoni  juda  murakkab,  serqirra  jarayon  bo‘lib, 
sunbatdoshga  suhbat  vaziyati,  muhiti  va  mazmunidan  kelib  chiqib  munosatda 
bo‘lish maqsadga muvofiq bo‘ladi.