Вазирлиги ўзбекистон республикаси қишлоқ ва сув хўжалиги

 
 
328

---

Адабиётлар: 
1. Қайимов А.Қ. Бердиев Э.Т. Арча (Juniperus) туркуми //Дендрология, Тошкент, Fan ва 
technologia, 2012.-Б.115-124. 
2. Қайимов А. К. Дж. Турок Аxоли яшаш жойларини кўкаламзорлаштириш Тошкент “Fan va 
texnologiy” 2012. 124 бет
 
A.TERREUS-8 ВА A.FUMIGATUS-2 ШТАММЛАРИНИНГ ҲАР ХИЛ СУБСТРАТЛАРДА 
ГИББЕРЕЛЛИНЛАР СИНТЕЗИ 
 
М.А.Паттаева, Х.М.Хамидова
ЎзР ФА Микробиология институти 
Маълумки, физиологик фаол моддаларнинг асосий гуруxини ташкил этувчи фитогормонлар 
ўсимликларнинг ўсиши, ривожланиши ва xосилдорлигини ошириш, уларнинг ноқулай стресс 
шароитларга адаптацияланишини таъминлай олади [1]. Бу эса, қишлоқ xўжалик соҳасида 
фитогормонлар синтезловчи микроорганизмлардан фойдаланиш анча истиқболли эканлигини 
кўрсатади. Айрим муаллифларнинг тадқиқотларида баъзи микроорганизмларнинг фитогормонлар 
синтезлашига озуқа муxитининг кимёвий таркибининг таъсири тадқиқ этилган. ГК (гиббереллин 
кислотаси) синтезида углерод, азот ва бошқа минерал бирикмаларнинг муҳим ўрин тутиши батафсил 
ёритилган [2]. Ушбу тадқиқотларда турли углерод манбаларининг фитогормонал фаол штаммларда 
ГК синтезига таъсири тадқиқ этилди. 
Замбуруғ штаммларини ўстириш учун қуйидаги таркибли Чапек озуқа муxитидан фойдаланилди 
(г⁄л): сахароза – 20.0, NaNO
3
– 3.0, KH
2
PO
4
– 1.0, MgSO
4
– 0.5, KCl – 0.5, FeSO
4
– 0.01, дистилланган 
сув – 1000 мл, агар – 20-30. Штаммлар чуқур усулда 500 мл ли Эрленмейер колбасида 100 мл суюқ 
озуқа муxитида 40 ва 45
○
С ҳароратда 240 соат мобайнида 180–200 айл/дақ тезликдаги тебраткичда 
ўстирилди. 
Экиш материали сифатида қаттиқ агарли пробиркаларда сақланган штаммларнинг спорали 
суспензияларидан фойдаланилди. 
Култура суюқликларидаги ГК си миқдори уларнинг фосфор-молибден вольфрамат комплекси 
билан xосил қилган маxсулотларнинг фотоколориметрик таҳлили орқали аниқланди [3]. 
Озуқа муxити таркибидаги углерод манбаси ҳисобланган сахарозанинг ўрнини тўлдириш 
мақсадида озиқ-овқат саноати чиқиндиларидан фойдаланиш xозирги кунда муҳим аҳамиятга эга, 
чунки бу чиқиндилар асосида тайёрланган озуқа муxитларида иккиламчи метаболитлар юқори 
даражада синтезланганлиги адабиёт манбаларидан маълум [3]. 
Тадқиқотларда A.terreus-8 ва A.fumigatus-2 штаммларининг ҳар хил субстратларда ГК xосил 
қилиши аниқланди. Субстрат сифатида буғдой кепаги, янтоқ, буғдой сомони ва шоли қипиғидан (2 
г/100мл) фойдаланилди. Штаммлар ҳар хил субстратлар қўшилган Чапек озуқа муxитида тебранма 
усулда ўстирилиб, фильтрлаб олинди ва фильтрат таркибидаги ГК миқдори ўн сутка давомида 
аниқланиб борилди.
Тажрибаларда Aspergillus terreus - 8 штаммида субстрат сифатида кепак солинган вариантда 
ўстиришнинг учинчи суткасида юқори даражада (1,18 мкг/мл) ГК синтезлангани маълум бўлди. ГК 
синтези шоли қипиғи солинган озуқа муxитида энг паст миқдорда (0,48 мкг/мл) бўлгани аниқланди. 
Углерод манбаси сифатида сомон ва янтоқ ишлатилган вариантларда ҳам ГК нинг юқори даражада 
синтези кузатилди.
A.fumigatus-2 штаммида эса тадқиқотларда қуйидаги натижалар олинди: энг максимал даражадаги 
(1,43 мкг/мл) ГК синтези субстрат сифатида кепак ишлатилган вариантда ўстиришнинг учинчи 
суткасида, энг паст кўрсаткичи (0,51 мкг/мл) эса шоли қипиғи ишлатилган вариантда ўстиришнинг 
ўнинчи суткасида кузатилди. Бошқа субстратлар қўшилган озуқа муxитларида ҳам ГК максимал 
миқдорларда xосил бўлиши аниқланди (1-расм). 
329

---

1 2 
1-расм. A.terreus-8 (1) ва  A.fumigatus-2 (2) штаммларининг ҳар хил субстратларда ГК xосил 
қилиши 
Айтиш мумкинки, тажрибаларда A.fumigatus -2 штаммининг углерод манбаси сифатида озиқ-овқат 
саноати чиқиндиларидан фойдаланилганда ўстиришнинг ўрганилган суткалар давомида ГК сининг 
максимал даражадаги синтезланиши кузатилди. Ўстиришнинг биринчи кунидан бошлаб охирги 10 
кунгача культура фаоллигини йўқотмаганлиги маълум бўлди.
Кепак улерод манбаси сифатида қўлланилган шароитларда ҳар икки штаммда ГК xосил бўлиши 
юқори даражада амалга ошди. Шоли қипиғи қўлланилган шароитларда эса аксинча xолат, яъни 
штаммларда кам миқдорда ГК синтезланди. Тадқиқотлардан келиб чиқиб шуни айтиш мумкинки, 
углерод манбаси сифатида озиқ-овқат саноати чиқиндиларидан фойдаланиш иккиламчи 
метоболитлар синтезига юқори даражада таъсир кўрсатади.