Илмий тадқиқот асослари: 1000 саволга 1000 жавоб тошкент–2019

161 - САВОЛ: МЕТОДИКА – БУ ҚАНДАЙ МАЖМУА ?
ЖАВОБ: Методика – методикага тегишли қатъий кетма-
кетликка (алгоритмик характерга), илгарида ўрнатилган режа 
(қоида), тизимга аниқ риоя қилиш. 
Методика – бирор ишни мақсадга мувофиқ ўтказиш метод-
лари, йўллари мажмуаси.
Методика – педагогика фани соҳасида маълум ўқув фанини 
ўқитиш қонуниятларини тадқиқ қилади. Масалан, тиллар 
методикаси, математика ўқитиш методикаси, тарбиявий ишлар 
методикаси ва шу кабилар. 
КЎРСАТМА: Ҳар қандай мауммони ҳал қилишда унинг 
мақсад-вазифаларини ва методологик асосларини таҳлилий тарзда 
аниқлаб, шу асосда илмий тадқиқот иши режасини алгоритмик 
тизим сифатида ифодалаб олиши керак. 

---

124 
162 - САВОЛ: 
МЕТОДИК ҚЎЛЛАНМА – БУ ҚАНДАЙ 
НАШР? 
ЖАВОБ: Методик қўлланма – профессор ўқитувчилар ва 
бошқа билим олувчилар учун мўжалланган бўлиб, унда бир 
дарснинг мақсади, дарс ўтиш воситалари ва улардан фойдаланиш 
усуллари, дарснинг мазмуни, амалий машғулотлар, қўшимча 
топшириқлар ва бошқалар ҳақида тавсиялар баён қилинадиган 
таълим муассасасининг илмий кенгаши тавсияси асосда чоп 
этиладиган нашр. 
КЎРСАТМА: Педагогика фанининг долзарб муаммолари 
жамияти тараққиётига мос равишда ўзгариб боради, ривожланиб 
бораверади. Шу сабабли ҳам илмий ижод ишларини оптимал-
лаштиришга оид методик қўлланмалар яратиш масаласини ҳам 
ўйлаб кўриш керак. 
163 - САВОЛ: МЕТОДИСТ – БУ КИМ? 
ЖАВОБ: Методист – бирор ўқув фанини ўқитиш ва тарбиявий 
ишлар методикаси бўйича малакали мутахассис. 
КЎРСАТМА: Методист инновацион таълим ва техноло-
гияларни ва тарбиявий тадбир (машғулотлар)ни яратиш ва жорий 
этишга доимо зарурий ёрдамни берадиган шахс бўлиши керак. 
 
164 - САВОЛ: 
МЕТОДИСТ-ТЕХНОЛОГ – БУ ҚАНДАЙ 
ШАХС? 
ЖАВОБ: Методист-технолог – бу таълим ва тарбия 
соҳасидаги долзарб йўналишларни, мавзуларни аниқлаш, мавжуд 
тизимнинг ютуқ ва камчиликларини ҳамда уларнинг ҳосил 
бўлиши сабабларини ўрганиш, таҳлил қилиш, таклифлар 
тайёрлаш ишларни бажарадиган шахс. 
Методист-технологлар – янги педагогик технологияларни 
яратиш, жорий этиш, олиб бориш ва такомиллаштиришда зарур 
ёрдамлар кўрсатади.
КЎРСАТМА: Педагогик илмий тадқиқот ишларида иложи 
борича қаралаётган муаммо мазмун-моҳиятини очишга дахлдор 
методист-технологларни жалб қилишга ҳаракат қилиш керак. 

---

125