Илмий тадқиқот асослари: 1000 саволга 1000 жавоб тошкент–2019

180 - САВОЛ: 
ТАЪЛИМНИНГ АВТОМАТЛАШТИРИЛ-
ГАН ТИЗИМИ – БУ ҚАНДАЙ ТИЗИМ? 
ЖАВОБ: Таълимнинг автоматлаштирилган тизими – таълим 
жараёнида ўргатиш ва ўрганганликни текшириш ва назорат қилиш 
имкониятини берувчи дастурий ҳисоблаш воситалари тизимидир. 
КЎРСАТМА:Автоматлаштирилган таълим тизими таълим олув-
чиларнинг мустақил равишда изланиш олиб боришга йўналтирувчи 
– дидактик восита бўла олади ва бунга эътибор бериш орқали ижодий 
фаолиятни оптималлаштиришга эришиш мумкин бўлади. 
 
181 - САВОЛ: 
ТАЪЛИМ ДАСТУРИ – БУ ҚАНДАЙ 
ҲУЖЖАТ? 
ЖАВОБ: Таълим дастури – ўқув фанларининг бакалавриат 
йўналишлари ёки магистратура мутахассисликларига қўйила-
диган малака талабларига мувофиқ кадрларнинг зарурий ва етарли 
даражадаги тайёргарлигини таъминловчи ҳужжат. 

---

135 
КЎРСАТМА: Таълим дастури бўйича фаолият юритишда 
таълим олувчини ўқитиш жараёнида эгалланиши лозим бўлган 
билим, кўникма ва малакалар ҳажми ва характери асосий 
мўлжалда бўлиши керак.
 
182 - САВОЛ: 
ТАЪЛИМОТНИ ҚАНДАЙ ТУЗИЛМА 
ДЕБ АТАШ МУМКИН? 
ЖАВОБ: Таълимот – воқеликнинг бирор-бир соҳаси ҳақидаги 
назарий қоидалар мажмуи; бирор-бир буюк донишманднинг 
(алломанинг, файласуфнинг, мутафаккирнинг) қарашлари тизими. 
Масалан, И.П. Павлов таълимоти, Сеченов таълимоти, 
Зардуштийлар таълимоти, Ислом таълимоти ва ҳ.к. 
КЎРСАТМА: Таълимотлар таълим олувчиларнинг билим 
даражаси ва касб малакаларини, битирувчиларнинг таълимий 
фаолиятини, педагогик ва илмий - педагогик ходимларнинг 
интеллектуал салоҳиятини мунтазам равишда ошириб боришга 
фундаментал асос бўла олади. Шу сабаб ҳар қандай тадқиқотчи 
доимо ўз ишига оид таълимотларнинг мазмун-моҳиятини чуқур 
англаб олишга ҳаракат қилиши керак.