Ўзбекистон республикаси бош прокуратура академияси коррупцияга қарши курашиш илмий-таълим маркази

§ 2.4. Ўзбекистон Республикаси Судьялар Олий кенгашининг 2018 йил 29 январдаги 
СОКҚ–490-III-сонли қарори билан Судьяларнинг Одоб-ахлоқ кодекси мазмуни ва моҳияти 
Фуқароларнинг ҳуқуқ ва эркинликларини ҳамда қонуний манфаатларини суд орқали ишончли 
ҳимоя қилишга суд ҳокимияти ва судьяларнинг мустақиллиги, одил судловни амалга оширишда 
конституциявий нормалар ва қонунларга қатъий риоя этилишини таъминлаш орқали эришилади. 
Таъкидлаш зарурки судьяларнинг одоб-ахлоқига оид меёрлар турли кўринишда тартибга 
солинади. Масалан Германия, Англия и Францияда суд этика кодекслари қабул қилинмаган. Суд 
этикасига оид талаблар аввало судьялар тўғрисидаги қонунларда ва давлат хизматчилари 
тўғрисидаги қонунларда (ГФР) ёки ҳамда Магистратлар уставида (Франция) ўз ифодасини топган.
Қуйидаги давлатларда эса суд этика кодекслари қабул қилинган: 
АҚШ, Россия, Ҳиндистон, Италия, Озарбайджон, Қозоғистон, Канада, Литва, Молдова, 
Словакия, Словения, Украина, Эстония и Япония ва бошқа африка давлатларида. 
Италияда судьяларга қўйиладиган талаблар 1946 й. 31 майдаги №511 Қонуннинг 18 моддасида 
ҳамда 1994 й. 7 майдаги “Магистратлар (Судьялар) этика кодекс”ида ўз ифодасини топган.
1994 й. 7 майдаги Италия Суд этикаси кодекси судьялар одоб ахлоқ қоидаларига оид дастлабки 
ҳужжат ҳисобланади.
Италиянинг Суд этикаси кодексида қуйидаги масалалар ўз ифодасини топган: 
судьяларнинг жамият билан алоқалари; 
суд фаолияти учун ажратилган маблағлардан мақсадли фойдаланиш; 
судьялик мажбурияти; 
ОАВ билан алоқалар; 
холислик ва мустақиллик талабларига амал қилиш ва бошқа холатлар. 
АҚШ Федерал судьялар хулқ-атвор кодекси 
АҚШ Федерал судьялар хулқ атвор кодекси қуйидаги 7 тамойилдан ташкил топган:
1. Судья суд корпусини мустақиллиги ва ҳаллолигини қўллаб-қувватлаш мажбуриятини олади.
2. Судья касбий этика нормаларини реал бузилишини шунингдек бундай ҳуқуқбузарлик содир 
этилишида шубҳа туғилишини олдини олиш мажбуриятини олади. 
3. Судья ўз мажбуриятларини холис ва ҳар томонлама тўлиқ бажаришни ўз зиммасига олади. 
4. Судья қонунчиликни, суд тизимини ва судловни юритишни такомиллаштириш бўйича 
жараёнларда иштирок этиши мумкин. 
5. Судья ўзининг асосий мажбуриятлари билан зиддиятга йўл қўймаслик мақсадида суддан 
ташқаридаги фаолиятини назорат қилиб бориши керак.
6. Судья судьялик ва суддан ташқаридаги фаолияти учун олган маблағлари ҳақида систематик 
равишда ҳисобот бериб бориши керак. 
7. Судья сиёсий фаолият оли боришдан тийилиши керак.
Одил судловни амалга оширишда ҳар бир судьянинг Судьялар одоб-ахлоқ кодекси 
қоидаларига сўзсиз риоя этиши, ўз хизмат вазифасини ҳалол ва виждонан бажариши, ўзининг 
ишчанлик обрўси, шаъни, қадр-қимматини ва суднинг нуфузини етарли даражада саклаши муҳим 
аҳамият касб этади.