Ўзбекистон республикаси бош прокуратура академияси коррупцияга қарши курашиш илмий-таълим маркази

Тенглик принципи 
Суд мажлисларида барча тарафлар учун тенг муомала ва муносабат таъминланиши судья 
ўз мажбуриятларини лозим даражада амалга оширишида муҳим аҳамиятга эга.
Судья жамиятнинг хилма-хиллигини ва кўплаб манбалардан, шу жумладан ирқий мансублиги, 
терисининг ранги, жинси, дини, миллий келиб чиқиши, табақаси, меҳнатга лаёқатли-
лаёқатсизлиги, ёши, оилавий аҳволи, шаҳвоний мойиллиги, ижтимоий ва иқтисодий мавқеи ҳамда 
шунга ўхшаш бошқа сабаблардан (ишга тегишли бўлмаган асослардан) келиб чиқадиган 
тафовутни чуқур англаши ва тушуниши керак. 
Судьялик мажбуриятларини бажараётганда судья ишга тегишли бўлмаган сабабларга амал 
қилиб, ўз сўзи ва хулқи-атвори билан ҳар қандай шахсга ёки шахслар гуруҳига нисбатан 
ғаразгўйлик ёхуд олдиндан инониб хулоса чиқариш ҳолларини намоён этмаслиги керак. 
Судья судлов вазифаларини барча шахсларнинг, шу жумладан судлов ишидаги тарафларнинг, 
гувоҳларнинг, адвокатларнинг, суд ходимларининг ва суд таркиби бўйича ҳамкасабаларининг 
манфаатларини талаб даражасида инобатга олган ҳолда, ишга алоқаси бўлмаган, судлов 
вазифаларини лозим даражада амалга ошириш учун аҳамиятсизроқ асослардан келиб чиққан ҳолда 
- тафовутга бормай адо этади.
Судья суд ходимлари ёки судьянинг таъсири остидаги, унинг бўйсунувидаги ёки унинг 
назоратидаги бошқа шахслар суд томонидан кўрилаётган иш бўйича, мазкур шахсларга тааллуқли 
бўлмаган ҳар қандай асосларда табақалашган (дифференциал) тарзда ёндашувда бўлишларига 
онгли равишда йўл қўймаслиги лозим.
Судья суд муҳокамасида иштирок этаётган адвокатлардан ишга тегишли бўлмаган асослардан 
келиб чиқиб ўз сўзи ёки хулқи-атвори билан ғаразгўйлик ёки олдиндан инониб хулоса чиқариш 
ҳолларини намоён этишдан тийилишни талаб қилади, бундан суд муҳокамаси предмети учун 
ҳуқуқий аҳамиятга молик ва қонунан оқланиши мумкин бўлган ҳоллар мустасно.
Компетентлик ва интилувчанлик принципи