Ўзбекистон республикаси бош прокуратура академияси коррупцияга қарши курашиш илмий-таълим маркази

порага учмаслик, одоб нормаларига риоя қилиш, тенглик ва компетентлик ва интилувчанлик. 
Мазкур принципларни батафсил кўриб чиқамиз.
Мустақиллик принципи 
Суд органларининг мустақиллиги ҳуқуқ-тартиботни таъминлаш омили ва судда 
ишларни адолатли ҳал қилишнинг асосий кафолати ҳисобланади. Бинобарин судья судлов 
органларининг мустақиллиги принципини ҳимоя қилиши ҳамда уни индивидуал ва 
институционал жиҳатдан ҳаётга татбиқ эта бориши керак. 
Судья судлов борасидаги вазифасини, ҳар қандай тараф томонидан бевосита ва билвосита 
содир этиладиган ва ҳар қанақа мақсадни кўзловчи ҳар қандай чет таъсирдан, ният-истакдан, 
босимдан, таҳдид ёки аралашишдан қатъи назар, фақат фактларни баҳолашдан келиб чиққан 
ҳолда, ҳуқуқни онгли тушунишга монанд тарзда амалга ошириши керак. 
Судья умумун жамиятга нисбатан ва хусусан судья тариқасида ўзи қарор чиқариши лозим 
бўлган суд ишининг муайян тарафларига нисбатан мустақил позицияда туради.
Судья ўз лавозимига мувофиқ бўлмаган ҳар қандай муносабатларга ёхуд ҳокимиятнинг ижро 
этувчи ва қонун чиқарувчи тармоқлари томонидан ўзига таъсир ўтказилишига йўл қўймайди, бу 

---

43 
чет кузатувчига ҳам аниқ-равшан аён бўладиган тарзда амалга оширилади.
Судья иш бўйича қарорини мустақил қабул қилиши лозим бўлган ҳолларда, у суд таркибидаги 
бошқа ҳамкасабаларининг фикрларига мутлақо боғланиб қолмаган тарзда иш тутади.
Судья судьяларнинг институционал ва тезкор мустақиллигини сақлаб туриш ва ошириб бориш 
мақсадида улар ўз мажбуриятларини бажариши кафолатларини ҳимоя қилади ва қўллаб-
қувватлайди. 
Судья судлов органларига бўлган ижтимоий ишончни мустаҳкамлаш мақсадида судьялар 
одоб-ахлоқи ва юриш-туришининг юксак намуналарини намоён этади ва рағбатлантириб боради, 
бу эса судлов органларининг мустақиллигини сақлаб туришда бағоят муҳим аҳамиятга эга.