Ўзбекистон республикаси бош прокуратура академияси коррупцияга қарши курашиш илмий-таълим маркази

Компетентлик ва интилувчанлик судьяларнинг ўз мажбуриятларини бажаришларининг 
зарурий шарти ҳисобланади.  
Судьянинг судьялик вазифалари унинг бошқа барча фаолият турларидан устувор саналади.
Судья ўзининг профессионал фаолиятини судлов вазифаларини бажаришга бағишлайди, булар 
суд муҳокамасида судлов ва лавозим вазифаларини бажариш ҳамда қарорлар қабул қилишдан 
ташқари судья лавозимига ва судлов фаолиятига дахлдор бошқа вазифалар бажарилишини ҳам ўз 
ичига олади.
Судья судьялик вазифалари ва мажбуриятларини лозим даражада бажариш учун зарур бўлган 
билимлари доирасини мустаҳкамлаш ва кенгайтириш, амалий тажриба ва фазилатларини 
мукаммаллаштириш мақсадида суд назорати шароитида, судьялар учун мақбул бўладиган таълим 
воситалари ва бошқа имкониятлардан фойдаланган ҳолда оқилона чоралар кўради.
Судья халқаро қонун ҳужжатларидаги тегишли янгиликлардан, шу жумладан инсон ҳуқуқлари 
борасида амал қилувчи нормаларни белгилайдиган халқаро конвенциялар ва бошқа ҳужжатлардан 
мунтазам равишда хабардар бўлиб турмоғи керак.
Судья судьялик вазифаларининг барчасини бажариши, шу жумладан кечиктирилган 
қарорларни оқилона, адолатли ва етарлича жадаллик билан қабул қилиши керак.
Бутун суд муҳокамалари давомида судья тартибни сақлайди ва одоб қоидаларига риоя қилади, 
у суд мажлисининг тарафларига, ҳакамларга, гувоҳларга, адвокатларга ва ўзининг расмий 

---

46 
мақомида муомалада бўладиган бошқа шахсларга муносабатда ўзини оғир-вазмин, иззат-ҳурмат 
ва назокат доирасида тутиши керак. 
Судья тарафларнинг қонуний вакилларидан, суд ходимлари ҳамда судьянинг таъсири 
остидаги, унинг бўйсунувидаги ёки унинг назоратидаги бошқа шахслардан ҳам худди шундай 
хулқ-атвор, шундай муносабат талаб қилиши керак.
Судья судлов вазифаларини сидқидилдан, интилувчанлик билан бажаришига монанд бўлмаган 
фаолият билан шуғулланмаслиги даркор.