Амалдаги Меҳнат кодекси ва янги Меҳнат кодекси лойиҳасининг қиёслама жадвали

Амалдаги Меҳнат кодекси ва янги Меҳнат кодекси лойиҳасининг қиёслама жадвали

Амалдаги Меҳнат кодекси	Янги Меҳнат кодекси лойиҳаси
Локал ҳужжатларни ишлаб чиқиш ва тасдиқлаш тартиби
Иш берувчи жамоа шартномаси ва жамоа келишуви каби корхона ички ҳужжатларини ишлаб чиқиши ва тасдиқлаши мумкин (МК 4-моддаси). МК ИМТҚ ва корхонанинг ички норматив ҳужжатларига ҳаволалар беради, аммо уларни ишлаб чиқиш ва тасдиқлашни тартибга солмайди	ИМТҚ, Уставлар ва интизом ҳақидаги низомлари каби КЮҚ билан келишиладиган корхонанинг норматив ҳужжатларини ҳамда иш берувчи ўзи яккабошчилик асосида қабул қиладиган якка тартибдаги ҳужжатлар: буйруқлар, фармойишлар, қарорлар ишлаб чиқиш, келишиш ва тасдиқлаш тартиби белгиланган (МК 12, 18, 296, 297-моддалари). Бундан ташқари, агар корхонада касаба уюшмаси қўмитаси бўлмаса, иш берувчи ИМТҚни ўзи мустақил тасдиқлаши мумкин, аммо бир қатор шартларга риоя қилиш керак
Иш ҳақида таклиф
Ишга таклиф қилиш ҳуқуқий тартибга солинмаган (job offer)	Илшга таклиф қилинган шахсларга ишга жойлаштиришда кафолатлар белгиланган (МК 101-моддаси). Иш берувчи таклиф амал қиладиган муддат ичида ишга қабул қилишни рад этишга ҳақли эмас
Меҳнат шартномасини тузиш
Меҳнат шартномасини тузишда иш берувчи МК 73, 74-моддаларига, шунингдек меҳнат шартномасини тузиш бўйича тавсияларга (11.03.1997 йилдаги 133-сонли ВМҚ) асосланади. Меҳнат шартномасини ЯММТда рўйхатдан ўтказишда иш берувчи Меҳнат шартномаларини рўйхатдан ўтказиш тартиби тўғрисидаги Низомга (05.12.2019 йилдаги 971-сонли ВМҚ) асосланади	Меҳнат шартномасини тузиш тартибини тўлиқ тартибга солади: Меҳнат шартномасининг мазмуни (МК 104-моддаси). Иш ва дам олиш вақти режими, кафолатлар ва компенсациялар каби шартлар, иш хусусиятини белгилайдиган шартлар киритилган, дастлабки синов, бир неча касбларда ишлаш, давлат сирлари ва махфий ахборотни ошкор қилмаслик, ўқишдан кейин ишлаб бериш мажбурияти каби шартлар, суғурта турлари ва шартлари ва бошқа нормалар киритилган. Меҳнат шартномаси шакли (МК 106-моддаси). Меҳнат шартномаси реквизитлари (МК 107-моддаси). Шу жумладан реквизитларнинг ўзгаргани ҳақида хабардор қилиш муддатлари киритилди. Меҳнат шартномасини рўйхатдан ўтказиш (МК 109-моддаси). Меҳнат шартномасини «ЯММТ» ИДАКда рўйхатдан ўтказиш шарти белгилаб қўйилди